ഇംഗ്ലണ്ട് ക്രിക്കറ്റ് ടീമിനെ ക്ഷണിച്ച് പാകിസ്ഥാൻ

ഇസ്ലാമാബാദ്: പതിമൂന്ന് വർഷങ്ങൾക്ക് ശേഷം ഇംഗ്ലണ്ട് ക്രിക്കറ്റ് ടീമിനെ പരമ്പരക്കായി ക്ഷണിച്ച് പാകിസ്ഥാൻ. പാക് ആഭ്യന്തര മന്ത്രിയാണ് ഇതിന് മുൻ കയ്യെടുത്തത്. 2005ന് ശേഷം ഇതാദ്യമായാണ് ഇംഗ്ലണ്ട് ക്രിക്കറ്റ് ടീമിനെ പാകിസ്ഥാനിലേക്ക് ക്ഷണിക്കുന്നത്.

വിജയകരമായി പൂർത്തിയാക്കിയ വെസ്റ്റ് ഇൻഡീസിൻെറ പര്യടനത്തിന് ശേഷമാണ് പാകിസ്ഥാൻ ഇംഗ്ലണ്ടുമായുള്ള പരമ്പരയ്ക്ക് ശ്രമിക്കുന്നത്. ഇംഗ്ലണ്ട് ടീം പാകിസ്ഥാനിൽ കളിച്ചാൽ അത് പാക് ക്രിക്കറ്റിന് തന്നെ ഏറെ ഗുണകരമായ ചുവടു വെയ്പാവുമെന്നാണ് വിലയിരുത്തൽ.

പാകിസ്ഥാനിൽ ഈയടുത്ത് വിജയകരമായി നടന്ന അന്താരാഷ്ട്ര മത്സരങ്ങൾ ശുഭ സൂചനയാണ് നൽകുന്നതെന്ന് പാക് ക്രിക്കറ്റ് ബോർഡ് വ്യക്തമാക്കി.