ഇംഗ്ലണ്ടിന് ഏഴ് വിക്കറ്റ് ; അര്‍ധ സെഞ്ച്വറിയുമായി കുക്ക്

ഒാവല്‍: ഇന്ത്യക്കെതിരെയുള്ള അഞ്ചാം ടെസ്റ്റില്‍ 79 ഒാവര്‍ പിന്നിടുമ്പോള്‍ ഇംഗ്ലണ്ട് ഏഴ് വിക്കറ്റില്‍ 175 റണ്‍സ് നേടി ബാറ്റിങ് തുടരുകയാണ് . കുക്ക്, ജോ റൂട്ട്, ബെയര്‍സ്റ്റോ, ബെന്‍ സ്റ്റോക്സ്, കീറ്റണ്‍ ജെന്നിങ്സ്, മൊയിന്‍ അലി എന്നിവരുടെ വിക്കറ്റുകളാണ് ഇംഗ്ലണ്ടിന് നഷ്ടമായത്.

കരിയറിലെ അവസാന ടെസ്റ്റ് കളിക്കുന്ന അലസ്റ്റൈര്‍ കുക്ക് 191 പന്തില്‍ 71 റണ്‍സ് നേടിയാണ് പുറത്തായത്. പരമ്പരയിലെ കുക്കിന്‍റെ ആദ്യ അര്‍ധ സെഞ്ച്വറിയാണിത്. ജോസ് ബട്ട്ലറും സാം കുറാനുമാണ് ക്രീസില്‍.

നാലാം ടെസ്റ്റോടെ പരമ്പര കൈവിട്ട ഇന്ത്യ രണ്ടുമാറ്റങ്ങളോടെയാണ് കളത്തിലിറങ്ങിയത്. ആര്‍ അശ്വിനു പകരം രവീന്ദ്ര ജഡേജയും ഒാള്‍റൗണ്ടര്‍ ഹാര്‍ദിക് പാണ്ഡ്യക്കു പകരം ഹൈദരാബാദില്‍ നിന്നുള്ള ഹനുമ വിഹാരിയുമാണ് ടീമില്‍.