സിഡ്നി: ഇന്ത്യൻ നായകൻ വിരാട് കോഹ്ലിയെ വാനോളം പുകഴ്ത്തി ഇംഗ്ലണ്ടിൻെറ യുവപേസർ ടോം കറൻ. ഭാവിയിൽ ഇരുടീമുകളും തമ്മിൽ മത്സരിക്കുമ്പോൾ തനിക്ക് കോഹ്ലിയെ പുറത്താക്കണമെന്നും കറൻ പറഞ്ഞു. 'അവിശ്വസനീയ താരം' എന്നാണ് ഇംഗ്ലീഷ് താരം കോഹ്ലിയെ വിശേഷിപ്പിച്ചത്. 2020ൽ നടക്കാൻ പോവുന്ന ടി20 ലോകകപ്പിൽ ഇന്ത്യയും ഇംഗ്ലണ്ടും ഒരേ ഗ്രൂപ്പിലാണ്. ഇരു ടീമുകൾക്കും പുറമെ ദക്ഷിണാഫ്രിക്കയും അഫ്ഗാനിസ്ഥാനും ഈ ഗ്രൂപ്പിലുണ്ട്. ഐസിസി ടി20 ലോകകപ്പ് ഫിക്സ്ചർ പ്രഖ്യാപനത്തിന് ശേഷം മാധ്യമ പ്രവർത്തകരോട് സംസാരിക്കുകയായിരുന്നു കറൻ.
ഓസ്ട്രേലിയയിലാണ് പുരുഷ - വനിതാ ടി20 ലോകകപ്പുകൾ നടക്കുന്നത്. 2020 ഫെബ്രുവരി 21 മുതൽ മാർച്ച് എട്ട് വരെയാണ് വനിതാ ലോകകപ്പ്. അന്താരാഷ്ട്ര വനിതാ ദിനമായ മാർച്ച് എട്ടിനാണ് വനിതാ ലോകകപ്പ് ഫൈനൽ നടക്കുന്നതെന്ന പ്രത്യേകതയും ഉണ്ട്. അതേ വർഷം ഒക്ടോബർ 18 മുതൽ നവംബർ 15 വരെയായിരിക്കും പുരുഷ ടി20 ലോകകപ്പ് നടക്കുക.
ഓസ്ട്രേലിയയിലാണ് പുരുഷ - വനിതാ ടി20 ലോകകപ്പുകൾ നടക്കുന്നത്. 2020 ഫെബ്രുവരി 21 മുതൽ മാർച്ച് എട്ട് വരെയാണ് വനിതാ ലോകകപ്പ്. അന്താരാഷ്ട്ര വനിതാ ദിനമായ മാർച്ച് എട്ടിനാണ് വനിതാ ലോകകപ്പ് ഫൈനൽ നടക്കുന്നതെന്ന പ്രത്യേകതയും ഉണ്ട്. അതേ വർഷം ഒക്ടോബർ 18 മുതൽ നവംബർ 15 വരെയായിരിക്കും പുരുഷ ടി20 ലോകകപ്പ് നടക്കുക.