ഇന്ത്യയെ തോല്‍പ്പിച്ച് ഇംഗ്ലണ്ട് ടെസ്റ്റ് പരമ്പര നേടും: ഡെയ്‍ല്‍ സ്റ്റെയ്‍ന്‍

മുംബൈ: ഇംഗ്ലണ്ടിന് എതിരെയുള്ള ടെസ്റ്റ് പരമ്പരയില്‍ ഇന്ത്യ തോല്‍ക്കുമെന്ന് പ്രവചിച്ച് ദക്ഷിണാഫ്രിക്കന്‍ പേസ് ബൗളര്‍ ഡെയ്‍ല്‍ സ്റ്റെയ്‍ന്‍. ഇംഗ്ലണ്ട് ബൗളിങ്ങ് നിര കൂടുതല്‍ ശക്തമാണെന്ന് സ്റ്റെയ്‍ന്‍ പറഞ്ഞു.

"വിരാട് കോഹ്‍ലിയുടെ നേതൃത്വത്തിലുള്ള ഇന്ത്യന്‍ ടീം എന്തിനും കഴിയുന്ന സംഘമാണ്. ഇംഗ്ലണ്ട് ബൗളിങ് ശക്തമാണ്. സ്വന്തം നാട്ടില്‍ കളിക്കുന്നു എന്ന ആനുകൂല്യം ഇംഗ്ലണ്ടിനുണ്ട്. വളരെ നീണ്ട ഒരു പരമ്പരയാണിത്. ഇംഗ്ലണ്ട് ജയിക്കുമെന്നാണ് ഞാന്‍ കരുതുന്നത്" സ്റ്റെയ്‍ന്‍ പറഞ്ഞു.

ഓഗസ്റ്റ് ഒന്നിന് ബര്‍മിങ്ങാമിലാണ് ആദ്യത്തെ ടെസ്റ്റ്. അഞ്ച് മത്സരങ്ങളാണ് പരമ്പരയിലുള്ളത്.