ഓസ്ട്രേലിയയും ഇംഗ്ലണ്ടും (England) തമ്മിലുള്ള ആദ്യ ടി20 മത്സരത്തിനിടെയുണ്ടായ റണ്ണൗട്ട് വിവാദത്തില് പ്രതികരിച്ച് മുന് ഇന്ത്യന് താരം വെങ്കിടേഷ് പ്രസാദ് (Venkatesh Prasad). മത്സരത്തിനിടെ ഓസ്ട്രേലിയന് വിക്കറ്റ് കീപ്പര് ബാറ്റര് മാത്യു വേഡ് (Matthew Wade) ഇംഗ്ലണ്ട് ബൗളര് മാര്ക്ക് വുഡിന്റെ ഫീല്ഡിങ് തടസ്സപ്പെടുത്തിയെന്ന് ആരോപണമുയര്ന്നിരുന്നു. ഫീല്ഡ് തടസ്സപ്പെടുത്തിയാല് അപ്പീല് പോകാമെങ്കിലും ഇംഗ്ലണ്ട് ക്യാപ്റ്റന് ജോസ് ബട്ലര് (Jos Buttler) അപ്പീലിന് ശ്രമിച്ചില്ല. ഓസ്ട്രേലിയയ്ക്ക് ജയിക്കാന് 23 പന്തില് 39 റണ്സ് വേണ്ടിയിരുന്നപ്പോഴായിരുന്നു സംഭവം. പേസര് മാര്ക്ക് വുഡിന്റെ ഒരു ഷോര്ട്ട് ഡെലിവറി വേഡിന്റെ ഹെല്മെറ്റില് ടോപ്പ് എഡ്ജ് ചെയ്തു. അത് പിന്നീട് വായുവിലേക്ക് ഉയര്ന്നുപൊങ്ങി. റിട്ടേണ് ക്യാച്ച് എടുക്കാനുള്ള തീവ്രശ്രമത്തില് വുഡ് ബാറ്ററുടെ അറ്റത്തേക്ക് ഓടി. പക്ഷേ റണ്സിനായി ശ്രമിച്ച് ക്രീസിലേക്ക് മടങ്ങിയോടിയ വേഡ് മാര്ക്ക് വുഡിന്റെ വഴിയിലകപ്പെടുകയായിരുന്നു.
ടിവി റീപ്ലേയില് വേഡ് കൈകൊണ്ട് മാര്ക്ക് വുഡിനെ തടയുന്നതായി കാണാമെങ്കിലും ഓട്ടത്തിനിടയില് അറിയാതെ സംഭവിച്ചതാണോയെന്നും വ്യക്തമല്ല. എന്തായാലും ഇത്തരമൊരു സാഹചര്യത്തില് ഇംഗ്ലണ്ട് ക്യാപ്റ്റന് അപ്പീല് നല്കാമായിരുന്നു. പ്രത്യേകിച്ചും മത്സരം വരുതിയിലാക്കണമെന്ന് ആഗ്രഹമുണ്ടെങ്കില് ക്യാപ്റ്റന് അപ്പീല് നല്കുമായിരുന്നു. എന്നാല്, അപ്പീല് നല്കേണ്ടെന്നായിരുന്നു ബട്ലറുടെ തീരുമാനം.
ബട്ലര് അപ്പീല് വേണ്ടെന്ന് തീരുമാനിച്ചത് തെറ്റാണെന്ന് വെങ്കിടേഷ് പ്രസാദ് പറഞ്ഞു. മത്സരശേഷം ബട്ലര് സംഭവത്തെ വിശദീകരിച്ചത് ന്യായീകരിക്കാവുന്നതല്ല. ഒറ്റവാക്കില് പറഞ്ഞാല് ഇത് ചതിയാണ്. ബട്ലറുടെ വിശദീകരണം ഭയങ്കരമായ ഒഴികഴിവാണ്. ഈ ആളുകളുടെ അവകാശബോധം അവിശ്വസനീയമാണ്. കളിയുടെ സ്പിരിറ്റിനെക്കുറിച്ചുള്ള കാപട്യങ്ങള്. ഒരു സ്പിരിറ്റും ഇല്ലെന്നും പ്രസാദ് ചൂണ്ടിക്കാട്ടി.
അപ്പീല് നല്കണോയെന്ന് അവര് ചോദിച്ചെങ്കിലും വേണ്ടെന്നാണ് താന് പറഞ്ഞതെന്ന് ബട്ലര് മത്സരശേഷം പറഞ്ഞു. താന് ഓസ്ട്രേലിയയില് എത്തിയതേയുള്ളൂ. അതുകൊണ്ടുതന്നെ മത്സരം തുടരാനാണ് തീരുമാനിച്ചത്. സത്യത്തില് എന്താണ് സംഭവിച്ചതെന്ന് ഞാന് കണ്ടിട്ടില്ല. എന്തിനാണ് താന് അപ്പീല് ചെയ്യുന്നതെന്നും വ്യക്തമായിരുന്നില്ല. മറ്റു കളിക്കാരോട് ഇക്കാര്യം ചോദിക്കാമായിരുന്നു. അവര് സംഭവം കൃത്യമായി കണ്ടിട്ടുണ്ടാകണമെന്നും ബട്ലര് പറയുകയുണ്ടായി. മത്സരത്തില് ഇംഗ്ലണ്ട് 8 റണ്സിന് ജയിച്ചിരുന്നു.
Read Latest Sports News And Malayalam News
ടിവി റീപ്ലേയില് വേഡ് കൈകൊണ്ട് മാര്ക്ക് വുഡിനെ തടയുന്നതായി കാണാമെങ്കിലും ഓട്ടത്തിനിടയില് അറിയാതെ സംഭവിച്ചതാണോയെന്നും വ്യക്തമല്ല. എന്തായാലും ഇത്തരമൊരു സാഹചര്യത്തില് ഇംഗ്ലണ്ട് ക്യാപ്റ്റന് അപ്പീല് നല്കാമായിരുന്നു. പ്രത്യേകിച്ചും മത്സരം വരുതിയിലാക്കണമെന്ന് ആഗ്രഹമുണ്ടെങ്കില് ക്യാപ്റ്റന് അപ്പീല് നല്കുമായിരുന്നു. എന്നാല്, അപ്പീല് നല്കേണ്ടെന്നായിരുന്നു ബട്ലറുടെ തീരുമാനം.
ബട്ലര് അപ്പീല് വേണ്ടെന്ന് തീരുമാനിച്ചത് തെറ്റാണെന്ന് വെങ്കിടേഷ് പ്രസാദ് പറഞ്ഞു. മത്സരശേഷം ബട്ലര് സംഭവത്തെ വിശദീകരിച്ചത് ന്യായീകരിക്കാവുന്നതല്ല. ഒറ്റവാക്കില് പറഞ്ഞാല് ഇത് ചതിയാണ്. ബട്ലറുടെ വിശദീകരണം ഭയങ്കരമായ ഒഴികഴിവാണ്. ഈ ആളുകളുടെ അവകാശബോധം അവിശ്വസനീയമാണ്. കളിയുടെ സ്പിരിറ്റിനെക്കുറിച്ചുള്ള കാപട്യങ്ങള്. ഒരു സ്പിരിറ്റും ഇല്ലെന്നും പ്രസാദ് ചൂണ്ടിക്കാട്ടി.
അപ്പീല് നല്കണോയെന്ന് അവര് ചോദിച്ചെങ്കിലും വേണ്ടെന്നാണ് താന് പറഞ്ഞതെന്ന് ബട്ലര് മത്സരശേഷം പറഞ്ഞു. താന് ഓസ്ട്രേലിയയില് എത്തിയതേയുള്ളൂ. അതുകൊണ്ടുതന്നെ മത്സരം തുടരാനാണ് തീരുമാനിച്ചത്. സത്യത്തില് എന്താണ് സംഭവിച്ചതെന്ന് ഞാന് കണ്ടിട്ടില്ല. എന്തിനാണ് താന് അപ്പീല് ചെയ്യുന്നതെന്നും വ്യക്തമായിരുന്നില്ല. മറ്റു കളിക്കാരോട് ഇക്കാര്യം ചോദിക്കാമായിരുന്നു. അവര് സംഭവം കൃത്യമായി കണ്ടിട്ടുണ്ടാകണമെന്നും ബട്ലര് പറയുകയുണ്ടായി. മത്സരത്തില് ഇംഗ്ലണ്ട് 8 റണ്സിന് ജയിച്ചിരുന്നു.
Read Latest Sports News And Malayalam News