വീണ്ടും നഗ‍്‍നയായി ഇംഗ്ലീഷ് ക്രിക്കറ്റ് താരം സാറ ടെയ‍്‍ലർ, ട്രോളുമായി സഹതാരം

ലണ്ടൻ: ദിവസങ്ങൾക്ക് മുമ്പ് ഇംഗ്ലണ്ട് വനിതാ ക്രിക്കറ്റ് താരം സാറ ടെയ‍്‍ലർ ഒരു ആരോഗ്യ മാസികയ്ക്ക് വേണ്ടി നഗ്നയായി പോസ് ചെയ്തിരുന്നു. ചിത്രം ഇൻസ്റ്റഗ്രാമിൽ ഇട്ടതോടെ വൈറലാവുകയും ചെയ്തു. ബോൾഡായി ചിത്രം പോസ്റ്റ് ചെയ്ത സാറയെ അഭിന്ദിച്ച് നിരവധി പേർ രംഗത്തെത്തിയിരുന്നു. എന്നാൽ അത് പോലെ തന്നെ വിമർശനവും അവർക്ക് നേരെ ഉണ്ടായിരുന്നു.

മികച്ച ബാറ്റിങ് കൊണ്ടും വിക്കറ്റ് കീപ്പിങ് പ്രകടനം കൊണ്ടും ടീമിലെ പ്രധാന താരമായിരുന്നു സാറ. അസുഖങ്ങൾ കാരണം താരം ഇപ്പോൾ മത്സരങ്ങളിൽ നിന്ന് മാറിനിൽക്കുകയാണ്. വ്യക്തിപരമായ കാരണത്താൽ ഈയടുത്ത് ഓസ്ട്രേലിയക്കെതിരായ ടി20 പരമ്പരയിൽ നിന്നും തന്നെ ഒഴിവാക്കണമെന്നും സാറ ടെയ‍്‍ലർ ആവശ്യപ്പെട്ടിരുന്നു.

Read More: നഗ്നയായി ഇംഗ്ലീഷ് വനിതാ ക്രിക്കറ്റർ സാറാ ടെയ‍്‍ലർ; കാരണം അറിഞ്ഞാൽ കയ്യടിക്കും!

ഇപ്പോഴിതാ രണ്ടാം തവണയും അർധ നഗ്നയായി ചിത്രം പോസ്റ്റ് ചെയ്തിരിക്കുകയാണ് സാറ ടെയ‍്‍ലർ. ഇത്തവണ ഒരു ബാറ്റ് പിടിച്ചാണ് അവർ നിൽക്കുന്നത്. സ്ത്രീകളുടെ ശരീര പ്രശ്നങ്ങളുമായി ബന്ധപ്പെട്ട് നടത്തുന്ന ഫോട്ടോ സീരീസിന് വേണ്ടിയായിരുന്നു സാറ നഗ്നയായത്. ഇതിൻെറ ഭാഗമായി തന്നെയാണ് പുതിയ ചിത്രവും. അതേ മാസികയെ ടാഗ് ചെയ്താണ് പോസ്റ്റ്. ഇങ്ങനെ നിന്ന് ബാറ്റ് ചെയ്യാൻ ആഗ്രഹിക്കുന്നു എന്ന ക്യാപ്ഷനുമായാണ് പോസ്റ്റ്.


എന്നാൽ സഹതാരം അലക്സ് ഹാർട്ട‍്‍ലേ സാറയെ ട്രോളി രംഗത്തെത്തിയിരിക്കുകയാണ്. രണ്ട് ചോദ്യങ്ങളാണ് അവർ ചോദിക്കുന്നത്. എത്ര തവണ നഗ്നയായി ക്രിക്കറ്റ് കളിച്ചിട്ടുണ്ടെന്നാണ് ആദ്യ ചോദ്യം.

Read More: കോഹ‍്‍ലിക്ക് ആ താരത്തെ മടുത്ത് തുടങ്ങി, ഇനി പരിഗണിച്ചേക്കില്ല; തുറന്നടിച്ച് ഹർഭജൻ


എപ്പോഴാണ് വസ്ത്രം ഇല്ലാതെ ക്രിക്കറ്റ് കളിക്കാൻ നീ ഇത് പോലെ കാത്തിരുന്നതെന്നും ഹാർട്ട‍്‍ലേ ചോദിക്കുന്നു.