കോലി എന്താ പിച്ചിൽ പൂക്കളം ഇടുകയാണോ അതോ ഇസ്തിരി ഇടുകയാണോ ? വൈറലായി ട്രോളുകൾ!!

ഗുവാഹത്തി: 2020ലെ ഇന്ത്യൻ ക്രിക്കറ്റിൻെറ തുടക്കം അൽപം നിരാശയോടെയാണ്. ശ്രീലങ്കക്കെതിരായ ഒന്നാം ടി20 മത്സരം ഗുവാഹത്തിയിൽ മഴ കാരണം ഉപേക്ഷിക്കേണ്ടി വന്നു. ടോസ് ഇട്ടതിന് ശേഷം പെയ്ത ചെറിയ മഴയാണ് മത്സരം അലങ്കോലമാക്കിയത്. ആരാധകർക്കൊപ്പം തന്നെ കളിക്കാരും മത്സരം ഉപേക്ഷിച്ചതിൽ നിരാശരാണ്.

ഓരോ തവണയും അമ്പയർമാർ പിച്ചിൽ പരിശോധനക്കായി എത്തുമ്പോൾ ഒപ്പം ഇന്ത്യൻ നായകൻ വിരാട് കോലിയും ഉണ്ടായിരുന്നു. ഗ്രൗണ്ട് സ്റ്റാഫിൻെറ ഇടപെടലുകൾക്കൊപ്പവും കോലിയും ഇന്ത്യൻ താരങ്ങളും ഒപ്പം ചേർന്നിരുന്നു. ഒരു തവണ പരിശോധനക്കെത്തിയപ്പോൾ കോലി ഗ്രൗണ്ടിൽ കുത്തിയിരുന്നിരുന്നു.

Also Read: പിച്ച് ഉണക്കാൻ ഹെയർ ഡ്രെയറും ഇസ്തിരിപ്പെട്ടിയും!! മഴ കുളമാക്കിയ ഒന്നാം ടി20; ട്രോളുമായി ആരാധകർ

ബിസിസിഐ ചിത്രം ഒഫീഷ്യൽ ട്വിറ്റർ ഹാൻറിലിൽ ഷെയർ ചെയ്തിരുന്നു. ഏതായാലും ഈ ഇരുത്തം രസകരമായ ട്രോളാക്കി മാറ്റിയിരിക്കുകയാണ് ആരാധകർ. കോലി പൂക്കളം ഇടുന്നതിൻെറയും കോലം വരയ്ക്കുന്നതിൻെറയും ഇസ്തിരി ഇടുന്നതിൻെറയും ട്രോളുകളാണ് സോഷ്യൽ മീഡിയയിൽ പ്രചരിക്കുന്നത്.

രസകരമായ ചില ട്രോളുകൾ കാണാം:






Also Read: ശിഖ‍ർ ധവാനെ ടി20 ലോകകപ്പിനുള്ള ടീമിൽ ഉൾപ്പെടുത്തരുത്, പകരക്കാരൻ ഈ താരം; നിർദ്ദേശവുമായി മുൻ ഇന്ത്യൻ നായകൻ!!

ഒരു പന്ത് പോലും എറിയാതെയാണ് ഇന്ത്യ - ശ്രീലങ്ക ഒന്നാം ടി20 ഉപേക്ഷിച്ചത്. ആകെ മൂന്ന് മത്സരങ്ങളാണ് പരമ്പരയിലുള്ളത്. രണ്ടാം ടി20 ചൊവ്വാഴ്ച ഇൻഡോറിൽ നടക്കും.