മിസ‍്‍ബ ഉൾ ഹഖ് പാകിസ്ഥാൻെറ പുതിയ കോച്ച്; വഖാ‍ർ യൂനിസ് ബൗളിങ് കോച്ച്

ലാഹോർ: മുൻ നായകൻ മിസ‍്‍ബ ഉൾ ഹഖിനെ പാകിസ്ഥാൻ ദേശീയ ക്രിക്കറ്റ് ടീമിൻെറ പുതിയ പരിശീലകനായി നിയമിച്ചു. മൂന്ന് വർഷത്തെ കരാറിലാണ് നിയമനം. ടീമിൻെറ ചീഫ് സെലക്ടറായും മിസ‍്‍ബയെ നിയമിച്ചു. മുൻ നായകൻ വഖാർ യൂനിസിനെ ബൗളിങ് പരിശീലകനായും നിയമിച്ചു. മൂന്ന് വർഷത്തേക്കാണ് വഖാറിൻെറയും കാലാവധി.

കോച്ചിനെ തിരഞ്ഞെടപക്കാനുള്ള അഞ്ചംഗസമിതി ഏകസ്വരത്തിലാണ് മിസ‍്‍ബയെ പരിശീലകനായി പ്രഖ്യാപിച്ചത്. മുൻ ക്രിക്കറ്റർമാരായ ഡീൻ ജോൺസ്, മൊഹ്സിൻ ഖാൻ, കോട്നി വാൽഷ് തുടങ്ങിയവരും പാക് പരിശീലക സ്ഥാനത്തേക്ക് അപേക്ഷിച്ചിരുന്നു. ഇവരെ മറികടന്നാണ് മിസ‍്‍ബ പരിശീലകനായത്. മിസ‍്‍ബയുടെ കൂടെ നിർദ്ദേശ പ്രകരമാണ് വഖാറിനെ ബൗളിങ് പരിശീലകനായി നിയമിച്ചതെന്ന് സൂചന.

പാകിസ്ഥാൻ ക്രിക്കറ്റ് ബോർഡ് ചെയർമാൻ എഹ്സാൻ മാനി ഇരുവരുടെയും നിയമനം അംഗീകരിക്കുകയും ചെയ്തു. പാകിസ്ഥാൻ ക്രിക്കറ്റിൻെറ ചരിത്രത്തിൽ ആദ്യമായാണ് ഒരേ സമയം കോച്ചും സെലക്ടറുമായി ഒരാളെ നിയമിക്കുന്നത്. ടീമിൻെറ ബാറ്റിങ് പരിശീലക സ്ഥാനത്തേക്ക് ഇപ്പോഴും ആരെയും നിയമിച്ചിട്ടില്ല. സിംബാവെ ക്രിക്കറ്റർ ഗ്രാൻറ് ഫ്ലവറായിരുന്നു മുൻ ബാറ്റിങ് കോച്ച്.

Read More: 'പുറത്താക്കിയാൽ ടീം ഒപ്പം നിൽക്കും'; സെലക്ടർമാരോട് ബംഗാർ തട്ടിക്കയറിയെന്ന് റിപ്പോർട്ട്


2019 ലോകകപ്പിലെ പാകിസ്ഥാൻെറ മോശം പ്രകടനത്തെ തുടർന്ന് പരിശീലകൻ മിക്കി ആർതറിനെയും സപ്പോർട്ട് സ്റ്റാഫിനെയും തൽസ്ഥാനത്ത് നിന്ന് നീക്കിയിരുന്നു. ലോകകപ്പിൽ സെമിഫൈനൽ കാണാതെയാണ് പാകിസ്ഥാൻ പുറത്തായത്. ഇന്ത്യയോട് ദയനീയമായി പരാജയപ്പെടുകയും ചെയ്തിരുന്നു.


Read More: വെസ്റ്റ് ഇൻഡീസ് ടീമിൽ കളിച്ചത് 12 പേർ; ക്രിക്കറ്റ് ചരിത്രത്തിൽ ഇതാദ്യം!