ന്യൂഡൽഹി: ന്യൂസിലൻറിനെതിരായ അവസാന രണ്ട് ഏകദിനങ്ങളിൽ വിരാട് കോഹ്ലിക്ക് വിശ്രമം അനുവദിച്ചിരിക്കുകയാണ്. രോഹിത് ശർമ്മയായിരിക്കും ഇന്ത്യയെ നയിക്കുക. മൂന്നാം മത്സരത്തിൽ പരിക്ക് മൂലം കളിക്കാതിരുന്ന മുൻ ക്യാപ്റ്റൻ മഹേന്ദ്ര സിങ് ധോണി ടീമിൽ തിരിച്ചെത്തുമെന്നാണ് റിപ്പോർട്ട്. ധോണി നെറ്റ്സിൽ പ്രാക്ടീസ് ചെയ്യുന്നതിൻെറ ചിത്രങ്ങൾ ബിസിസിഐ ട്വീറ്റ് ചെയ്തു. ധോണി കളിക്കുന്നത് ടീമിന് കൂടുതൽ കരുത്ത് പകരുമെന്ന് ഉറപ്പാണ്. കീപ്പറെന്ന നിലയിൽ മിന്നുന്ന പ്രകടനം കാഴ്ച വെക്കുന്ന ധോണി ബാറ്റിങിലും മികച്ച ഫോമിലാണ്. ഫീൽഡിൽ കളി മെനയുന്നതിലും ധോണിയുടെ പങ്ക് ചെറുതല്ല.
നിലവിൽ മൂന്ന് ഏകദിനങ്ങൾ ജയിച്ച ഇന്ത്യ പരമ്പര സ്വന്തമാക്കി കഴിഞ്ഞു. എന്നാൽ ഒരു മത്സരവും തോൽക്കാതെ പരമ്പര തൂത്തുവാരാനാണ് ഇന്ത്യയുടെ ശ്രമം.
ന്യൂസിലൻറ് പര്യടനത്തിൽ ഇതേ വരെ ഇന്ത്യ ഒരു പരമ്പരയിൽ മൂന്നിൽ കൂടുതൽ മാർജിനിൽ ഇന്ത്യ പരമ്പര വിജയിച്ചിട്ടില്ല. നാലാം ഏകദിനം വിജയിച്ചാൽ അത് ഇന്ത്യയെ സംബന്ധിച്ചിടത്തോളം ചരിത്ര വിജയമായിരിക്കും.
നിലവിൽ മൂന്ന് ഏകദിനങ്ങൾ ജയിച്ച ഇന്ത്യ പരമ്പര സ്വന്തമാക്കി കഴിഞ്ഞു. എന്നാൽ ഒരു മത്സരവും തോൽക്കാതെ പരമ്പര തൂത്തുവാരാനാണ് ഇന്ത്യയുടെ ശ്രമം.
ന്യൂസിലൻറ് പര്യടനത്തിൽ ഇതേ വരെ ഇന്ത്യ ഒരു പരമ്പരയിൽ മൂന്നിൽ കൂടുതൽ മാർജിനിൽ ഇന്ത്യ പരമ്പര വിജയിച്ചിട്ടില്ല. നാലാം ഏകദിനം വിജയിച്ചാൽ അത് ഇന്ത്യയെ സംബന്ധിച്ചിടത്തോളം ചരിത്ര വിജയമായിരിക്കും.