ന്യൂഡല്ഹി: മുന് കേരള ക്രിക്കറ്റ് താരവും അമ്പയറുമായ അനന്തപത്മനാഭന് ഐസിസി എലൈറ്റ് പാനലില് ഇടംലഭിച്ചു. ഇതോടെ ആഭ്യന്തര ക്രിക്കറ്റ് മത്സരങ്ങള് കൂടാതെ അന്താരാഷ്ട്ര മത്സരങ്ങളും നിയന്ത്രിക്കാന് അനന്ത പത്മനാഭന് കഴിയും. 2009 മുതല് ആഭ്യന്തര ക്രിക്കറ്റില് അമ്പയറാണ്. ഐപിഎല് ഉള്പ്പെടെ 61 ടി20 മത്സരങ്ങള് നിയന്ത്രിച്ചു. 27 ലിസ്റ്റ് എ മത്സരങ്ങളിലും 58 ഫസ്റ്റ് ക്ലാസ് മത്സരങ്ങളിലും അമ്പയറായിട്ടുണ്ട്. 40 രഞ്ജി ട്രോഫി മത്സരങ്ങള് ഉള്പ്പെടെ ആകെ 195 മത്സരങ്ങള് നിയന്ത്രിച്ച പരിചയം അനന്തപത്മനാഭനുണ്ട്. ഇന്ത്യയില് നിന്നും നിലവില് അനന്തപത്മനാഭനെ കൂടാതെ നാലുപേര് കൂടി ഐസിസി പാനലിലുണ്ട്. നിതിന് മേനോന്, സി ഷംസുദ്ദീന്, അനില് ചൗധരി, വിരേന്ദര് ശര്മ എന്നിവരാണ് ഐസിസി പാനലിലെ അമ്പയര്മാര്. നിതിന് മേനോന് ഐസിസിയുടെ എലൈറ്റ് പാനലിലും അമ്പറാണ്. അന്താരാഷ്ട്ര അമ്പയറാകുന്ന നാലാമത്തെ മലയാളിയും എലൈറ്റ് പാനലിലെത്തുന്ന ആദ്യ മലയാളിയുമാണ് അനന്തപത്മനാഭന്.
2006ലാണ് ഇദ്ദേഹം ബിസിസിഐ അമ്പയര്മാരുടെ പാനലിലെത്തുന്നത്. 2016ലെ ഐപിഎല് സീസണില് ഏറ്റവും മികച്ച അമ്പയറായി തെരഞ്ഞെടുത്തു. കേരളം കണ്ട ഏറ്റവും മികച്ച ലെഗ് സ്പിന്നറായി അറിയപ്പെടുന്ന അനന്തപത്മനാഭന് അനില് കുംബ്ലെയുടെ കാലത്തല്ലെങ്കില് ഇന്ത്യന് ടീമില് കളിക്കുമായിരുന്നു. 105 ഫസ്റ്റ് ക്ലാസ് മത്സരങ്ങളില്നിന്നായി 344 വിക്കറ്റുകള് വീഴ്ത്തിയിട്ടുണ്ട്. കൂടാതെ ഒരുതവണ ഇരട്ട സെഞ്ച്വറിയും രണ്ട് സെഞ്ച്വറികളും നേടി.
Also Read: മെസിയിലെ അമാനുഷികനെയും ചതിയനെയും നാപോളി കണ്ടു! ബയേണ് മ്യൂണിക്കിന് മുന്നില് ഇതൊന്നും ചെലവാകില്ല!!
അനില് കുംബ്ലെയുടെ സാന്നിധ്യത്തിനൊപ്പം കേരള താരങ്ങളെ തഴഞ്ഞതും അനന്ത പത്മനാഭന്റെ അന്താരാഷ്ട്ര കരിയറിനെ ബാധിച്ചു. 1997-98ല് ഇന്ത്യ സീനിയേഴ്സിനെതിരെ നടത്തിയ പ്രകടനം ദേശീയ ടീമില് വാതില്തുറക്കുമെന്ന് കരുതപ്പെട്ടിരുന്നെങ്കിലും സെലക്ടര്മാര് തഴഞ്ഞു. 1998ല് ഇന്ത്യ എ ടീമിനുവേണ്ടി കളിക്കവെ ഓസ്ട്രേലിയയ്ക്കെതിരെയും പിന്നീട് കൊച്ചിയില് പാകിസ്ഥാനെതിരേയും ഗംഭീര പ്രകടനം പുറത്തെടുത്തു.
2004ലാണ് കളിയില്നിന്നും വിരമിക്കുന്നത്. പിന്നീട് അമ്പയറിങ് രംഗത്ത് ശ്രദ്ധകേന്ദ്രീകരിക്കുകയായിരുന്നു. ജോസ് കുരിശിങ്കല്, ഡോ. കെ എന് രാഘവന്, എസ് ദണ്ഡപാണി എന്നിവര്ക്കുശേഷം അന്താരാഷ്ട്ര മത്സരങ്ങള് നിയന്ത്രിക്കാന് അനന്തപത്മനാഭന് എത്തുമ്പോള് കേരളത്തിനും അത് അഭിമാനകരമാണ്.
2006ലാണ് ഇദ്ദേഹം ബിസിസിഐ അമ്പയര്മാരുടെ പാനലിലെത്തുന്നത്. 2016ലെ ഐപിഎല് സീസണില് ഏറ്റവും മികച്ച അമ്പയറായി തെരഞ്ഞെടുത്തു. കേരളം കണ്ട ഏറ്റവും മികച്ച ലെഗ് സ്പിന്നറായി അറിയപ്പെടുന്ന അനന്തപത്മനാഭന് അനില് കുംബ്ലെയുടെ കാലത്തല്ലെങ്കില് ഇന്ത്യന് ടീമില് കളിക്കുമായിരുന്നു. 105 ഫസ്റ്റ് ക്ലാസ് മത്സരങ്ങളില്നിന്നായി 344 വിക്കറ്റുകള് വീഴ്ത്തിയിട്ടുണ്ട്. കൂടാതെ ഒരുതവണ ഇരട്ട സെഞ്ച്വറിയും രണ്ട് സെഞ്ച്വറികളും നേടി.
Also Read: മെസിയിലെ അമാനുഷികനെയും ചതിയനെയും നാപോളി കണ്ടു! ബയേണ് മ്യൂണിക്കിന് മുന്നില് ഇതൊന്നും ചെലവാകില്ല!!
അനില് കുംബ്ലെയുടെ സാന്നിധ്യത്തിനൊപ്പം കേരള താരങ്ങളെ തഴഞ്ഞതും അനന്ത പത്മനാഭന്റെ അന്താരാഷ്ട്ര കരിയറിനെ ബാധിച്ചു. 1997-98ല് ഇന്ത്യ സീനിയേഴ്സിനെതിരെ നടത്തിയ പ്രകടനം ദേശീയ ടീമില് വാതില്തുറക്കുമെന്ന് കരുതപ്പെട്ടിരുന്നെങ്കിലും സെലക്ടര്മാര് തഴഞ്ഞു. 1998ല് ഇന്ത്യ എ ടീമിനുവേണ്ടി കളിക്കവെ ഓസ്ട്രേലിയയ്ക്കെതിരെയും പിന്നീട് കൊച്ചിയില് പാകിസ്ഥാനെതിരേയും ഗംഭീര പ്രകടനം പുറത്തെടുത്തു.
2004ലാണ് കളിയില്നിന്നും വിരമിക്കുന്നത്. പിന്നീട് അമ്പയറിങ് രംഗത്ത് ശ്രദ്ധകേന്ദ്രീകരിക്കുകയായിരുന്നു. ജോസ് കുരിശിങ്കല്, ഡോ. കെ എന് രാഘവന്, എസ് ദണ്ഡപാണി എന്നിവര്ക്കുശേഷം അന്താരാഷ്ട്ര മത്സരങ്ങള് നിയന്ത്രിക്കാന് അനന്തപത്മനാഭന് എത്തുമ്പോള് കേരളത്തിനും അത് അഭിമാനകരമാണ്.