കൊളംബൊ: ഇന്ത്യയും ശ്രീലങ്കയും ഏകദിന, ടി20 പരമ്പരകളില് ഏറ്റുമുട്ടാനിരിക്കെ ഇരു ടീമുകളുടേയും ശക്തിദൗര്ബല്യങ്ങള് വിലയിരുത്തുകയാണ് മുന് താരങ്ങള്. ഇന്ത്യ രണ്ടാംനിര ടീമിനെയാണ് ശ്രീലങ്കയിലേക്ക് അയച്ചതെന്ന ആരോപണം ഒരുവശത്ത് ഉയരുമ്പോള് ഇന്ത്യന് യുവസംഘത്തിന്റെ ശക്തിയെ പുകഴ്ത്തുകയാണ് ക്രിക്കറ്റ് വിദഗ്ധര്. മുന് ശ്രീലങ്കന് താരവും കമന്റേറ്ററുമായ റസ്സല് അര്നോള്ഡ് ആണ് ഒടുവിലായി ഇന്ത്യന് ടീമിന് പിന്തുണയുമായി എത്തിയിരിക്കുന്നത്. ഇന്ത്യയില് ഇത്രയും പ്രതിഭാധനരായ യുവ കളിക്കാരുള്ളതില് തനിക്ക് കടുത്ത അസൂയയുണ്ടെന്ന് അര്നോള്ഡ് തുറന്നുപറഞ്ഞു. ഇപ്പോള് ശ്രീലങ്കയിലെത്തിയ ടീം തന്നെ മികച്ച കളിക്കാരുടെ സംഘമാണ്. ശിഖര് ധവാനെപ്പോലെ പരിചയസമ്പന്നരും കഴിവ് തെളിയിച്ച യുവതാരങ്ങളുമാണ് ഈ കളിക്കാര്. ഇവരുടെ കളി കാണേണ്ടതുതന്നെയാണെന്നും അര്നോള്ഡ് പറയുന്നുണ്ട്.
യുവകളിക്കാര് പലരുമുണ്ടെങ്കിലും അര്നോള്ഡിന്റെ നോട്ടം പൃഥ്വി ഷായിലാണ്. പൃഥ്വി ശ്രീലങ്കയില് തിളങ്ങുമെന്ന് മുന്താരം പ്രവചിക്കുന്നു. ഏവര്ക്കും ആസ്വാദ്യകരമായ ക്രിക്കറ്റ് കാഴ്ചവെക്കാന് പൃഥ്വിക്ക് കഴിയുമെന്നാണ് പ്രതീക്ഷ. ഏറെ പ്രതിഭയുള്ള കളിക്കാരനാണ് പൃഥ്വിയെന്നും അദ്ദേഹം വിലയിരുത്തി. വിജയ് ഹസാരെ ട്രോഫിയിലെ തകര്പ്പന് പ്രകടനത്തിലൂടെയാണ് പൃഥ്വി ദേശീയ ടീമില് മടങ്ങിയെത്തിയത്. ശ്രീലങ്കയിലെ പ്രകടനം താരത്തിന് നിര്ണായകമാകും.
Also Read: ഒളിമ്പിക്സ് പടിവാതില്ക്കല് നില്ക്കെ ജപ്പാനിലെത്തിയ രണ്ട് കായികതാരങ്ങള്ക്ക് കൊവിഡ് 19
ഒക്ടോബറില് ടി20 ലോകകപ്പ് നടക്കുന്നതിനാല് സ്ഥിരതയാര്ന്ന പ്രകടനം കാഴ്ചവെക്കാന് പൃഥ്വി ഉള്പ്പെടെയുള്ള കളിക്കാര്ക്ക് കഴിയേണ്ടതുണ്ട്. മുന് താരം അരവിന്ദ ഡിസില്വയും ഇന്ത്യയുടെ യുവതാരങ്ങളെ പുകഴ്ത്തി കഴിഞ്ഞദിവസം രംഗത്തെത്തിയിരുന്നു. രണ്ടാംനിര ടീമാണ് ഇതെന്ന മുന്താരം അര്ജുന രണതുംഗയുടെ ആരോപണത്തിന് വലിയ പിന്തുണ ലഭിച്ചിട്ടില്ല.
യുവകളിക്കാര് പലരുമുണ്ടെങ്കിലും അര്നോള്ഡിന്റെ നോട്ടം പൃഥ്വി ഷായിലാണ്. പൃഥ്വി ശ്രീലങ്കയില് തിളങ്ങുമെന്ന് മുന്താരം പ്രവചിക്കുന്നു. ഏവര്ക്കും ആസ്വാദ്യകരമായ ക്രിക്കറ്റ് കാഴ്ചവെക്കാന് പൃഥ്വിക്ക് കഴിയുമെന്നാണ് പ്രതീക്ഷ. ഏറെ പ്രതിഭയുള്ള കളിക്കാരനാണ് പൃഥ്വിയെന്നും അദ്ദേഹം വിലയിരുത്തി. വിജയ് ഹസാരെ ട്രോഫിയിലെ തകര്പ്പന് പ്രകടനത്തിലൂടെയാണ് പൃഥ്വി ദേശീയ ടീമില് മടങ്ങിയെത്തിയത്. ശ്രീലങ്കയിലെ പ്രകടനം താരത്തിന് നിര്ണായകമാകും.
Also Read: ഒളിമ്പിക്സ് പടിവാതില്ക്കല് നില്ക്കെ ജപ്പാനിലെത്തിയ രണ്ട് കായികതാരങ്ങള്ക്ക് കൊവിഡ് 19
ഒക്ടോബറില് ടി20 ലോകകപ്പ് നടക്കുന്നതിനാല് സ്ഥിരതയാര്ന്ന പ്രകടനം കാഴ്ചവെക്കാന് പൃഥ്വി ഉള്പ്പെടെയുള്ള കളിക്കാര്ക്ക് കഴിയേണ്ടതുണ്ട്. മുന് താരം അരവിന്ദ ഡിസില്വയും ഇന്ത്യയുടെ യുവതാരങ്ങളെ പുകഴ്ത്തി കഴിഞ്ഞദിവസം രംഗത്തെത്തിയിരുന്നു. രണ്ടാംനിര ടീമാണ് ഇതെന്ന മുന്താരം അര്ജുന രണതുംഗയുടെ ആരോപണത്തിന് വലിയ പിന്തുണ ലഭിച്ചിട്ടില്ല.