ന്യൂഡല്ഹി: നൂറു വര്ഷത്തിലേറെയായി ഇന്ത്യ കാത്തിരിക്കുന്ന ഒരു ഒളിമ്പിക്സ് മെഡല് ഒടുവില് കൈയ്യിലെത്തിയിരിക്കുകയാണ്. അത്ലറ്റിക്സില് ഒരു മെഡലെന്ന എക്കാലത്തേയും വലിയ കാത്തിരിപ്പിന് വിരാമമിട്ട് നീരജ് ചോപ്രയാണ് സ്വര്ണനേട്ടത്തിലൂടെ ഇന്ത്യന് യശസ്സ് വാനോളമുയര്ത്തിയത്. രാജ്യമെങ്ങുനിന്നും നീരജിന് ആശംസാപ്രവാഹം എത്തവെ മുന് ഇന്ത്യന് ക്രിക്കറ്റ് താരങ്ങളായ ഹര്ഭജന് സിങ്ങും ഗൗതം ഗംഭീറും ഇക്കാര്യത്തില് സോഷ്യല് മീഡിയയില് നടത്തിയ പരാമര്ശം ശ്രദ്ധപിടിച്ചുപറ്റുകയാണ്. നീരജ് ചോപ്രയുടെ അവിശ്വസനീയ സ്വര്ണനേട്ടത്തിനുശേഷം ഇത് 2011ലെ ഇന്ത്യയുടെ ലോകകപ്പ് വിജയത്തേക്കാള് മഹത്തരമാണെന്ന് ഹര്ഭജന് സിങ് ട്വീറ്റ് ചെയ്തിരുന്നു. 1983ല് കപില് ദേവിന്റെ ക്യാപ്റ്റന്സിയില് ഏകദിന ക്രിക്കറ്റ് ലോകകപ്പ് നേടിയശേഷമാണ് എംഎസ് ധോണിയും സംഘവും ശ്രീലങ്കയെ പരാജയപ്പെടുത്തി 2011ല് ലോകകപ്പ് നേടിയത്. അന്ന് ടീമില് അംഗമായിരുന്നു ഹര്ഭജന് സിങ്ങും ഗൗതം ഗംഭീറും.
നീരജിന്റെ വിജയം ലോകകപ്പിനേക്കാള് മികവുറ്റതാണെന്ന ഹര്ഭജന്റെ പരാമര്ശം ഗംഭീറിന് ഇഷ്ടമായില്ല. നീരജിന്റെ വിജയം വലുതാണെന്ന് സമ്മതിക്കുന്ന ഗംഭീര് പക്ഷെ, ലോകകപ്പ് വിജയത്തെ അതിനോട് താരതമ്യം ചെയ്തതിനെ എതിര്ക്കുകയാണ്. നിങ്ങള് അങ്ങിനെ പറയരുതായിരുന്നു, ഇനി ഒരിക്കലും അങ്ങിനെ പറയരുതെന്നും ഗംഭീര് ട്വീറ്റ് ചെയ്തു. ഇരുവരുടേയും ട്വീറ്റില് ആരാധകരും പ്രതികരിച്ചിട്ടുണ്ട്.
Also Read: ആ സ്വപ്നം യാഥാർഥ്യമാക്കി തന്നതിന് നന്ദി; നീരജ് ചോപ്രയെ അഭിനന്ദിച്ച് പിടി ഉഷ
ഇന്ത്യ ഇത്തവണ ടോക്യോ ഒളിമ്പിക്സില് നിന്നും മടങ്ങുന്നത് എക്കാലത്തേയും വലിയ മെഡല് നേട്ടവുമായാണ്. ഒരു സ്വര്ണം, രണ്ടുവെള്ളി, നാല് വെങ്കലം എന്നിങ്ങനെ ഏഴു മെഡലുകള് ആദ്യമായാണ് ഒരു ഒളിമ്പിക്സില് ഇന്ത്യ നേടുന്നത്. ആദ്യദിനം മീരാഭായ് ചാനുവിലൂടെ വെള്ളിനേടിയ ഇന്ത്യ നീരജ് ചോപ്രയുടെ സ്വര്ണത്തോടെ ടോക്യോയില് നിന്നും വിടപറയുകയാണ്. മെഡല് നേടിയവര്ക്കെല്ലാം വിവിധ സംസ്ഥാനങ്ങളും സംഘടനകളുമെല്ലാം പാരിതോഷികം പ്രഖ്യാപിച്ചിട്ടുണ്ട്.
നീരജിന്റെ വിജയം ലോകകപ്പിനേക്കാള് മികവുറ്റതാണെന്ന ഹര്ഭജന്റെ പരാമര്ശം ഗംഭീറിന് ഇഷ്ടമായില്ല. നീരജിന്റെ വിജയം വലുതാണെന്ന് സമ്മതിക്കുന്ന ഗംഭീര് പക്ഷെ, ലോകകപ്പ് വിജയത്തെ അതിനോട് താരതമ്യം ചെയ്തതിനെ എതിര്ക്കുകയാണ്. നിങ്ങള് അങ്ങിനെ പറയരുതായിരുന്നു, ഇനി ഒരിക്കലും അങ്ങിനെ പറയരുതെന്നും ഗംഭീര് ട്വീറ്റ് ചെയ്തു. ഇരുവരുടേയും ട്വീറ്റില് ആരാധകരും പ്രതികരിച്ചിട്ടുണ്ട്.
Also Read: ആ സ്വപ്നം യാഥാർഥ്യമാക്കി തന്നതിന് നന്ദി; നീരജ് ചോപ്രയെ അഭിനന്ദിച്ച് പിടി ഉഷ
ഇന്ത്യ ഇത്തവണ ടോക്യോ ഒളിമ്പിക്സില് നിന്നും മടങ്ങുന്നത് എക്കാലത്തേയും വലിയ മെഡല് നേട്ടവുമായാണ്. ഒരു സ്വര്ണം, രണ്ടുവെള്ളി, നാല് വെങ്കലം എന്നിങ്ങനെ ഏഴു മെഡലുകള് ആദ്യമായാണ് ഒരു ഒളിമ്പിക്സില് ഇന്ത്യ നേടുന്നത്. ആദ്യദിനം മീരാഭായ് ചാനുവിലൂടെ വെള്ളിനേടിയ ഇന്ത്യ നീരജ് ചോപ്രയുടെ സ്വര്ണത്തോടെ ടോക്യോയില് നിന്നും വിടപറയുകയാണ്. മെഡല് നേടിയവര്ക്കെല്ലാം വിവിധ സംസ്ഥാനങ്ങളും സംഘടനകളുമെല്ലാം പാരിതോഷികം പ്രഖ്യാപിച്ചിട്ടുണ്ട്.