ടീം കരുത്തരാവുമെന്ന് ഗംഭീർ
ധോണിയുടെ നേതൃത്വത്തിലുള്ള ചെന്നൈ 2021 സീസണിൽ ശക്തരാവുമെന്ന് മുൻ ഇന്ത്യൻ ക്രിക്കറ്ററും ഐപിഎല്ലിൽ കെകെആ‍ർ നായകനുമായിരുന്ന ഗൗതം ഗംഭീർ പറയുന്നു. സുരേഷ് റെയ്നക്കൊപ്പം റോബിൻ ഉത്തപ്പ ടീമിലെത്തുന്നത് ടീമിന് ആത്മവിശ്വാസമേകും. കഴിഞ്ഞ സീസണിൽ രാജസ്ഥാൻ റോയൽസിലായിരുന്ന ഉത്തപ്പയെ ചെന്നൈ ലേലത്തിന് മുമ്പ് തന്നെ ടീമിലെത്തിക്കുകയായിരുന്നു.
നിലനിർത്തിയവർ ഇവർ
രണ്ട് ഓൾറൗണ്ട‍ർമാരെ ചെന്നൈ എടുക്കണം
രവീന്ദ്ര ജഡേജ, ഡ്വെയിൻ ബ്രാവോ തുടങ്ങിയ ഓൾറൗണ്ട‍ർമാർ നിലവിൽ ചെന്നൈ ടീമിലുണ്ട്. എന്നാൽ ബ്രാവോയ്ക്ക് പ്രായം കൂടി വരികയാണെന്നും പുതിയൊരു താരത്തെ ചെന്നൈ കണ്ടെത്തണമെന്നും ഗംഭീർ അഭിപ്രായപ്പെട്ടു. ദക്ഷിണാഫ്രിക്കയുടെ ക്രിസ് മോറിസിനെ കൊണ്ടുവരണമെന്നാണ് അദ്ദേഹം ആവശ്യപ്പെടുന്നത്. ഓഫ് സ്പിന്ന‍ർ ഓൾറൗണ്ട‍ർ കൃഷ്ണപ്പ ഗൗതവും ടീമിന് മുതൽക്കൂട്ടാവുമെന്നും ഗംഭീർ കരുതുന്നു.
റോബിൻ ഉത്തപ്പയെത്തി
ഉമേഷ് യാദവിനെ പരിഗണിക്കാം
റോയൽ ചലഞ്ചേഴ്സ് ബാംഗ്ലൂ‍ർ റിലീസ് ചെയ്ത ഉമേഷ് യാദവിനെ ചെന്നൈ എടുക്കണമെന്നാണ് മറ്റൊരു നി‍ർദ്ദേശം. ദീപക് ചാഹ‍ർ - ശാർദൂൽ താക്കൂ‍ർ കൂട്ടുകെട്ടിനൊപ്പം ഒരു പരിചയ സമ്പന്നനായ ഇന്ത്യൻ പേസറെ ചെന്നൈക്ക് ആവശ്യമാണ്. ഓൾ റൗണ്ട‍ർമാരിൽ ഏറെ വിശ്വാസമ‍ർപ്പിക്കുന്ന നായകനാണ് എംഎസ് ധോണിയെന്നും ഗംഭീർ പറഞ്ഞു.
(Getty Images)