ടെസ്റ്റിലെ സൂപ്പർതാരം ടീമിൽ, വെടിക്കെട്ട് താരം ഇല്ല!! മാറ്റങ്ങളുമായി ഓസ്ട്രേലിയ; ഇന്ത്യക്കെതിരായ ഏകദിന പരമ്പരക്കുള്ള ടീം പ്രഖ്യാപിച്ചു

സിഡ്നി: അടുത്ത മാസം ഇന്ത്യക്കെതിരെ നടക്കുന്ന ഏകദിന പരമ്പരക്കായുള്ള ഓസ്ട്രേലിയൻ ക്രിക്കറ്റ് ടീമിനെ പ്രഖ്യാപിച്ചു. മാനസികാരോഗ്യകരമായ പ്രശ്നങ്ങളെ തുടർന്ന് ടീമിൽ നിന്ന് മാറിനിൽക്കുകയായിരുന്ന ഗ്ലെൻ മാക‍്‍സ‍്‍വെല്ലിനെ ടീമിൽ ഉൾപ്പെടുത്തിയിട്ടില്ല. മാക‍്‍സ‍്‍വെൽ ടീമിലേക്ക് മടങ്ങിവരാൻ തയ്യാറാണെങ്കിലും താരത്തെ ഒഴിവാക്കിയിരിക്കുകയാണ്. മാർകസ് സ്റ്റോയ്നിസും നഥാൻ ലിയോണും ടീമിലില്ല. ഈ മൂന്ന് താരങ്ങളും ബിഗ് ബാഷ് ലീഗിൽ കളിക്കുന്നുണ്ട്. അത് കൊണ്ടാണ് ഒഴിവാക്കിയതെന്നാണ് സൂചന. ഷോൺ മാർഷ്, ഉസ്മാൻ ഖ്വാജ, നഥാൻ കോൾട്ടർ നിൽ എന്നിവരെയും പരിഗണിച്ചിട്ടില്ല. ടെസ്റ്റിലെ സൂപ്പർതാരം മാർനസ് ലാബുഷെയ്ൻ ടീമിലെത്തിയതാണ് ഏറ്റവും പ്രധാന മാറ്റം. താരത്തിനെ ആദ്യമായാണ് ഏകദിന ടീമിൽ ഉൾപ്പെടുത്തുന്നത്.

Also Read: IPL 2020: കൊൽക്കത്തയുടെ നായകസ്ഥാനത്ത് നിന്ന് കാർത്തികിനെ മാറ്റണമെന്ന് ഗംഭീർ; യുവതാരം ടീമിനെ നയിക്കട്ടെയെന്നും നിർദ്ദേശം!!

മുഖ്യ പരിശീലകൻ ജസ്റ്റിൻ ലാംഗറും ഇന്ത്യൻ പര്യടനത്തിനുള്ള ടീമിനൊപ്പം ഉണ്ടാവില്ല. സഹപരിശീലകൻ ആൻഡ്രൂ മക് ഡൊണാൾഡ് ആയിരിക്കും ടീമിൻെറ കോച്ച്. അഞ്ച് പേസർമാരെ ടീമിൽ ഉൾപ്പെടുത്തിയിട്ടുണ്ട്. ആഡം സാംപ മാത്രമാണ് ടീമിലെ ഏക സ്പെഷ്യലിസ്റ്റ് സ്പിന്നർ.

Also Read: എന്താണ് സംഭവിച്ചത്?! ഡ്രസ്സിങ് റൂമിൽ നിന്ന് ചാടിയിറങ്ങി വിരാട് കോലി; അമ്പയർമാർക്ക് പിഴച്ചോ ? ജഡേജയുടെ റൺ ഔട്ട് വൻവിവാദത്തിൽ!!

ടീം ഇവരിൽ നിന്ന്: ആരോൺ ഫിഞ്ച് (ക്യാ), സീൻ അബോട്ട്, ആഷ്ടൺ ആഗർ, അലക്സ് കാരേയ്, പാറ്റ് കമ്മിൻസ്, പീറ്റർ ഹാൻസ്കോമ്പ്, ജോഷ് ഹേസൽവുഡ്, മാർനസ് ലാബുഷെയ്ൻ, കെയ്ൻ റിച്ചാർഡ്സൺ, സ്റ്റീവ് സ്മിത്ത്, മിച്ചൽ സ്റ്റാർക്ക്, ആഷ്ടൺ ടേണർ, ഡേവിഡ് വാർണർ, ആഡം സാംപ.