ഇന്ത്യൻ ക്രിക്കറ്റിന്റെ ഭാവി സൂപ്പർ താരങ്ങളിലൊരാളായി വിശേഷിക്കപ്പെടുന്ന ബാറ്ററാണ് ശുഭ്മാൻ ഗിൽ (Shubman Gill). ടെസ്റ്റ് ടീമിൽ ഇപ്പോൾത്തന്നെ സ്ഥാനം സ്ഥിരപ്പെടുത്തിയ ശുഭ്മാൻ ഗിൽ അധികം താമസിയാതെ ഏകദിന, ടി20 ടീമുകളിലും സ്ഥാനം ഉറപ്പിക്കുമെന്നാണ് കരുതപ്പെടുന്നത്. ഐപിഎല്ലിൽ ഗുജറാത്ത് ടൈറ്റൻസിന്റെ (Gujarat Titans) താരമായ അദ്ദേഹം ഇത്തവണ അരങ്ങേറ്റ സീസണിൽത്തന്നെ അവരെ കിരീടമുയർത്താൻ സഹായിച്ചിരുന്നു. എന്നാൽ ഗുജറാത്ത് ടൈറ്റൻസിന്റെ കിരീട ധാരണത്തിൽ നിർണായക പങ്കു വഹിച്ച ഗിൽ ടീം വിടാനൊരുങ്ങുകയാണെന്ന തരത്തിൽ ഇന്നലെ റിപ്പോർട്ടുകൾ പുറത്ത് വന്നിരുന്നു. ഗുജറാത്ത് ടൈറ്റൻസ് പങ്കു വെച്ച ട്വീറ്റായിരുന്നു ഗിൽ ടീം വിടാനൊരുങ്ങുകയാണെന്ന അഭ്യൂഹങ്ങൾക്ക് കാരണമായത്. ഒത്തിരി ഓർക്കാനുള്ള ഒരു യാത്രയായിരുന്നു അതെന്നും, താങ്കളുടെ അടുത്ത ഉദ്യമത്തിന് എല്ലാവിധ ആശംസകളെന്നുമായിരുന്നു ഗില്ലിനെ ടാഗ് ചെയ്തു കൊണ്ട് ഗുജറാത്ത് ട്വീറ്റ് ചെയ്തത്. ഇതിന് ലൗവ് ഇമോജി നൽകി ഗില്ലും രംഗത്തെത്തി. ഇതോടെയാണ് ഗിൽ ഗുജറാത്ത് ടൈറ്റൻസ് വിടാനൊരുങ്ങുകയാണെന്നുള്ള റിപ്പോർട്ടുകൾ ശക്തമായത്.
ഗിൽ, മഹേന്ദ്ര സിംഗ് ധോണിയുടെ ചെന്നൈ സൂപ്പർ കിംഗ്സിലേക്ക് (Chennai Super Kings) പോവുകയാണെന്നായിരുന്നു അഭ്യൂഹങ്ങളിൽ ഭൂരിഭാഗവും. ഇതോടെ ചെന്നൈ ആരാധകരും ഈ ട്വീറ്റിന് താഴെ ആവേശത്തോടെ അണിനിരന്നു. ഗിൽ ഗുജറാത്ത് ടൈറ്റൻസ് വിടാൻ പോവുകയാണെന്ന തരത്തിൽ ചർച്ചകൾ വ്യാപകമായതോടെ ഫ്രാഞ്ചൈസി മറ്റൊരു ട്വീറ്റുമായെത്തി. ഗിൽ എപ്പോളും തങ്ങളുടെ ഭാഗമായിരിക്കുമെന്നും നിങ്ങൾ ചിന്തിക്കുന്നതല്ല കാര്യമെന്നുമായിരുന്നു ഗുജറാത്ത് ടൈറ്റൻസിന്റെ ട്വീറ്റ്. ഇതോടെ താരം ഫ്രാഞ്ചൈസി മാറാൻ ഒരുങ്ങുകയാണെന്ന തരത്തിൽ ഉയർന്ന അഭ്യൂഹങ്ങൾക്ക് അവസാനമായി.
അതേ സമയം 2018ൽ കൊൽക്കത്ത നൈറ്റ് റൈഡേഴ്സിനായി കളിച്ചുകൊണ്ട് ഐപിഎല്ലിൽ അരങ്ങേറ്റം കുറിച്ച താരമാണ് ശുഭ്മാൻ ഗിൽ. 4 സീസണുകളിൽ കൊൽക്കത്തക്കായി കളിച്ച താരം ഈ വർഷമാണ് ഗുജറാത്ത് ടൈറ്റൻസിലെത്തിയത്. ഗുജറാത്ത് കിരീടം ചൂടിയ 2022 സീസൺ ഐപിഎല്ലിൽ 16 മത്സരങ്ങൾ കളിച്ച ഗിൽ 483 റൺസും അടിച്ചു കൂട്ടിയിരുന്നു. ഐപിഎല്ലിൽ മൊത്തം 74 മത്സരങ്ങൾ കളിച്ചിട്ടുള്ള ഗില്ലിന്റെ സമ്പാദ്യം 1900 റൺസാണ്.
Read Latest Sports News and Malayalam Newsundefined
ഗിൽ, മഹേന്ദ്ര സിംഗ് ധോണിയുടെ ചെന്നൈ സൂപ്പർ കിംഗ്സിലേക്ക് (Chennai Super Kings) പോവുകയാണെന്നായിരുന്നു അഭ്യൂഹങ്ങളിൽ ഭൂരിഭാഗവും. ഇതോടെ ചെന്നൈ ആരാധകരും ഈ ട്വീറ്റിന് താഴെ ആവേശത്തോടെ അണിനിരന്നു. ഗിൽ ഗുജറാത്ത് ടൈറ്റൻസ് വിടാൻ പോവുകയാണെന്ന തരത്തിൽ ചർച്ചകൾ വ്യാപകമായതോടെ ഫ്രാഞ്ചൈസി മറ്റൊരു ട്വീറ്റുമായെത്തി. ഗിൽ എപ്പോളും തങ്ങളുടെ ഭാഗമായിരിക്കുമെന്നും നിങ്ങൾ ചിന്തിക്കുന്നതല്ല കാര്യമെന്നുമായിരുന്നു ഗുജറാത്ത് ടൈറ്റൻസിന്റെ ട്വീറ്റ്. ഇതോടെ താരം ഫ്രാഞ്ചൈസി മാറാൻ ഒരുങ്ങുകയാണെന്ന തരത്തിൽ ഉയർന്ന അഭ്യൂഹങ്ങൾക്ക് അവസാനമായി.
അതേ സമയം 2018ൽ കൊൽക്കത്ത നൈറ്റ് റൈഡേഴ്സിനായി കളിച്ചുകൊണ്ട് ഐപിഎല്ലിൽ അരങ്ങേറ്റം കുറിച്ച താരമാണ് ശുഭ്മാൻ ഗിൽ. 4 സീസണുകളിൽ കൊൽക്കത്തക്കായി കളിച്ച താരം ഈ വർഷമാണ് ഗുജറാത്ത് ടൈറ്റൻസിലെത്തിയത്. ഗുജറാത്ത് കിരീടം ചൂടിയ 2022 സീസൺ ഐപിഎല്ലിൽ 16 മത്സരങ്ങൾ കളിച്ച ഗിൽ 483 റൺസും അടിച്ചു കൂട്ടിയിരുന്നു. ഐപിഎല്ലിൽ മൊത്തം 74 മത്സരങ്ങൾ കളിച്ചിട്ടുള്ള ഗില്ലിന്റെ സമ്പാദ്യം 1900 റൺസാണ്.
Read Latest Sports News and Malayalam Newsundefined