പുതിയ ഓപ്പണിങ് സഖ്യം
ന്യൂസിലൻറിനെതിരായ ഒന്നാം ഏകദിനത്തിൽ പൃഥ്വി ഷാ ആയിരിക്കും ഇന്ത്യയുടെ ഓപ്പണറെന്ന് വിരാട് കോലി വ്യക്തമാക്കി. രോഹിത് ശർമയ്ക്ക് പരിക്കേറ്റതിനാൽ മായങ്ക് അഗർവാളിനെയാണ് പകരക്കാരനായി ടീമിൽ എടുത്തിരിക്കുന്നത്. മായങ്കും ഷായും ചേർന്നായിരിക്കും ഇന്ത്യക്കായി ഓപ്പൺ ചെയ്യുക. ശിഖർ ധവാനും രോഹിത് ശർമയും രാഹുലും അല്ലാത്ത ഒരു ഓപ്പണിങ് സഖ്യത്തെ ഏറെക്കാലത്തിന് ശേഷമാണ് ഇന്ത്യ പരീക്ഷിക്കാൻ ഒരുങ്ങുന്നത്.
Twitter-BCCI
Twitter-BCCI
രാഹുൽ അഞ്ചാമത് തന്നെ
കെഎൽ രാഹുലിനെ ഏകദിനത്തിൽ മധ്യനിരയിൽ തന്നെ ഇറക്കാനാണ് തീരുമാനം. ടീമിലെ ഒന്നാം വിക്കറ്റ് കീപ്പർ കൂടിയായ രാഹുലിന് സമ്മർദ്ദം ഇല്ലാതെ ബാറ്റ് ചെയ്യാനുള്ള അവസരം നൽകാനാണ് ടീം മാനേജ്മെൻറ് തീരുമാനം. അഞ്ചാമനായി ഫിനിഷറുടെ റോളിൽ തന്നെയാവും രാഹുലെത്തുക. മധ്യനിരയിൽ വിരാട് കോലി, ശ്രേയസ് അയ്യർ, മനീഷ് പാണ്ഡെ എന്നിവരുമുണ്ടാവും. ഓൾ റൗണ്ടർ രവീന്ദ്ര ജഡേജയും ടീമിൽ സ്ഥാനം പിടിക്കും.
Twitter-BCCI
Twitter-BCCI
ബൗളിങ് നിര ഇങ്ങനെ
ഓസ്ട്രേലിയക്കെതിരെ അവസാന രണ്ട് ഏകദിനങ്ങളിൽ മിന്നുന്ന പ്രകടനം പുറത്തെടുത്ത യുവതാരം നവദീപ് സെയ്നിയെ ഇന്ത്യ പരിഗണിക്കാൻ തന്നെയാണ് സാധ്യത. ജസ്പ്രീത് ബുംറയും മുഹമ്മദ് ഷമിയും ടീമിലുണ്ടാവും. കുൽദീപ് യാദവും ജഡേജയുമായിരിക്കും സ്പിന്നർമാർ.
Twitter-BCCI
ഒന്നാം ഏകദിനത്തിനുള്ള സാധ്യതാ ടീം
ഇന്ത്യയുടെ സാധ്യതാ ടീം: പൃഥ്വി ഷാ, മായങ്ക് അഗർവാൾ, വിരാട് കോലി (ക്യാപ്റ്റൻ), ശ്രേയസ് അയ്യർ, കെഎൽ രാഹുൽ, മനീഷ് പാണ്ഡെ, രവീന്ദ്ര ജഡേജ, കുൽദീപ് യാദവ്, നവദീപ് സെയ്നി, മുഹമ്മദ് ഷമി, ജസ്പ്രീത് ബുംറ.
Twitter-ICC
ന്യൂസിലൻറ് ടീം സാധ്യതകൾ
ന്യൂസിലൻറ് സാധ്യതാ ടീം: മാർട്ടിൻ ഗപ്ടിൽ, ടോം ബ്ലണ്ടൽ, മാർക്ക് ചാപ്മാൻ, റോസ് ടെയ്ലർ, ടോം ലതാം, ജെയിംസ് നീഷാം, കോളിൻ ഗ്രാൻറ് ഹോം, മിച്ചൽ സാൻറ്നർ, സ്കോട്ട് കുഗ്ലെയ്ൻ, ഇഷ് സോധി, ഹമീഷ് ബെന്നറ്റ്.