ഹിന്ദു-മുസ്ലിം ചർച്ച നിർത്തി ക്രൊയേഷ്യയെ കണ്ട് പഠിക്കൂ: ഹർഭജൻ

ന്യൂഡൽഹി: ലോകകപ്പ് ഫൈനൽ വരെയെത്തിയ ക്രൊയേഷ്യയിൽ നിന്ന് ഇന്ത്യക്ക് ഏറെ പഠിക്കാനുണ്ടെന്ന് ക്രിക്കറ്റർ ഹർഭജൻ സിങ്. ഇന്ത്യയിൽ മതത്തിൻെറ പേരിൽ അനാവശ്യ ചർച്ചകൾ നടക്കുകയാണ്. നാം ഹിന്ദു-മുസ്ലിം കളി നിർത്തി രാജ്യത്തിന് വേണ്ടി ഒരുമിച്ച് നിൽക്കണമെന്ന് അദ്ദേഹം പറഞ്ഞു.

വളരെ കുറച്ച് ജനസംഖ്യയുള്ള ചെറുരാജ്യമായ ക്രൊയേഷ്യക്ക് ഇത്രയും വലിയ നേട്ടം സാധിച്ചെങ്കിൽ 135 കോടി ജനങ്ങളുള്ള ഇന്ത്യക്ക് എന്ത് കൊണ്ട് പറ്റില്ലെന്നും അദ്ദേഹം ചോദിച്ചു. നമ്മുടെ ചിന്താഗതി മാറേണ്ടതുണ്ടെന്നും ഹർഭജൻ ട്വിറ്ററിൽ കുറിച്ചു.