അവൻ എൻെറ പെങ്ങൾക്കൊപ്പം കിടക്കയിലാണ്, വിൽജോൻ മത്സരത്തിന് ഇല്ലാത്തതിൻെറ കാരണം വിശദീകരിച്ച് ഡുപ്ലെസി; അവതാരകൻ ഞെട്ടി!!

എംസാൻസി സൂപ്പർ ലീഗിൽ പാൾ റോക്ക്സിൻെറ നായകനാണ് ദക്ഷിണാഫ്രിക്കൻ താരം ഫാഫ് ഡുപ്ലെസി. ഏകദിന ലോകകപ്പിന് ശേഷം ഡുപ്ലെസിയെ ടീമിൻെറ ടി20 നായകസ്ഥാനത്ത് നിന്ന് മാറ്റിയിരുന്നു. ക്വിൻറൺ ഡീകോക്കാണ് ടി20യിൽ നിലവിൽ ദക്ഷിണാഫ്രിക്കയെ നയിക്കുന്നത്.

ഏതായാലും എംസാൻസി സൂപ്പർ ലീഗിൽ ടീമിലെ മാറ്റത്തെക്കുറിച്ച് ചോദിച്ച അവതാരകനോട് ഡുപ്ലെസി നൽകിയ മറുപടി ആരാധകരെയടക്കം തെല്ലൊന്ന് അമ്പരപ്പിച്ചിരിക്കുകയാണ്. ടോസ് ഇടാൻ എത്തിയപ്പോൾ ടീമിൽ എന്താണ് മാറ്റമെന്നാണ് ഡുപ്ലെസിയോട് ചോദിച്ചത്.

Also Read: ഒരു ഭാഗത്ത് സഞ്ജുവിന് വേണ്ടിയുള്ള മുറവിളി, മറുഭാഗത്ത് ധോണി ആരാധകർ; ആ ഡൽഹിക്കാരൻ മാത്രം ഒറ്റക്കായിരുന്നു - സോഷ്യൽ മീഡിയയിലെ കിടിലൻ ട്രോളുകൾ!!

ഹാർഡസ് വില്ലോജൻ കളിക്കുന്നില്ലെന്ന് ഡുപ്ലെസി മറുപടിയായി പറഞ്ഞു. "ഹാർഡസ് വില്ലോജൻ കളിക്കുന്നില്ല, അവൻ എൻെറ പെങ്ങളോടൊപ്പം കിടക്കയിലായിരിക്കും. കാരണം ഇന്നലെയാണ് അവരുടെ വിവാഹം കഴിഞ്ഞത്," ഇങ്ങനെയാണ് ഡുപ്ലെസി മറുപടി പറഞ്ഞത്. ഡുപ്ലെസിയുടെ വാക്കുകൾ കേട്ട് അവതാരകൻ ചിരി നിർത്താൻ പാടുപെടുകയായിരുന്നു. എന്നാൽ ഡുപ്ലെസി സത്യം തന്നെയാണ് പറഞ്ഞത്.

വീഡിയോ കാണാം:


Also Read: കളി തോറ്റതിന് പ്രധാനമായും രണ്ട് കാരണങ്ങൾ, ആ നാലോവർ നിർണായകമായി; തുറന്നു പറഞ്ഞ് വിരാട് കോലി!

ഏറെക്കാലത്തെ പ്രണയത്തിന് ശേഷം വില്ലോജൻ വിവാഹം കഴിച്ചത് ഡുപ്ലെസിയുടെ സഹോദരി റെമി റിന്നേഴ്സിനെയാണ്. ഇരുവരുടെയും വിവാഹം ഈയടുത്താണ് കഴിഞ്ഞത്. ദക്ഷിണാഫ്രിക്കൻ ക്രിക്കറ്ററായ വില്ലോജൻ ഐപിഎല്ലിൽ കിങ്സ് ഇലവൻ പഞ്ചാബിന് വേണ്ടിയും കളിച്ചിട്ടുണ്ട്.