ഇംഗണ്ടിൽ നടന്ന കഴിഞ്ഞ ഏകദിന ലോകകപ്പിൽ ഏറ്റവും മികച്ച ഫീൽഡിങ് പ്രകടനം കാഴ്ച വെച്ച ഒരു ടീം ഇന്ത്യയായിരുന്നു. നേരത്തെ ഒന്നോ രണ്ടോ മികച്ച ഫീൽഡർ ഉണ്ടായിരുന്നവരിൽ നിന്ന് ഇപ്പോൾ എല്ലാവരും നന്നായി ഫീൽഡ് ചെയ്യുന്ന നിലയിലേക്കാണ് ടീം ഇന്ത്യ വളർന്നിരിക്കുന്നത്. ഫീൽഡിങ് കോച്ച് ആർ ശ്രീധറിന് ഇക്കാര്യത്തിൽ പ്രധാന പങ്കാണുള്ളത്.
ഇന്ത്യയുടെ എക്കാലത്തെയും മികച്ച ഫീൽഡർമാരുടെ പട്ടിക തയ്യാറാക്കിയിരിക്കുകയാണ് കമൻേററ്റർ ഹർഷ ഭോഗ്ലെ. ആദ്യം ഏറ്റവും മികച്ച മൂന്ന് ഫീൽഡർമാരെയും പിന്നീട് മികച്ച ഫീൽഡർമാരുടെ ഒരു പട്ടികയുമാണ് അദ്ദേഹം തയ്യാറാക്കിയിരിക്കുന്നത്. എന്നാൽ കൂട്ടത്തിൽ ഒരു മികച്ച ഫീൽഡറെ വിട്ട് പോയി...
മികച്ച മൂന്ന് ഫീൽഡർമാർ ഇവർ
ഷോർട്ട് ലെഗ് ഏരിയയിൽ ഇന്ത്യ കണ്ട എക്കാലത്തെയും മികച്ച ഫീൽഡർ ഏകനാഥ് സോൾക്കറാണ്. അദ്ദേഹത്തിൻെറ പേര് തന്നെയാണ് ഭോഗ്ലെയുടെ പട്ടികയിൽ ഏറ്റവും മുന്നിലുള്ളത്. മുൻ നായകൻ മുഹമ്മദ് അസ്ഹറുദ്ദീൻെറ പേരാണ് അദ്ദേഹം രണ്ടാമത്തെ മികച്ച ഫീൽഡറായി പരിഗണിച്ചിരിക്കുന്നത്. രവീന്ദ്ര ജഡേജയാണ് പട്ടികയിലുള്ള മൂന്നാമത്തെ പേര്. അവിശ്വസനീയമായ റൺ ഔട്ടുകളും ക്യാച്ചുകളുമായി കളം നിറഞ്ഞ് കളിക്കുന്ന താരമാണ് ജഡേജ.
Twitter-Harsha Bhogle
റോബിൻ സിങിനെ പരിഗണിച്ചില്ല
ആദ്യത്തെ മൂന്ന് പേർക്ക് ശേഷം മികച്ച ഫീൽഡർമാരുടെ മറ്റൊരു പട്ടികയും ഭോഗ്ലെ പ്രഖ്യാപിച്ചിട്ടുണ്ട്. ഹേമു അധികാരി, ടൈഗർ പട്ടൗഡി, റൂസി സുർത്തി, സയ്യിദ് കിർമാനി, ആബിദ് അലി, ബ്രിജേഷ് പട്ടേൽ, അജയ് ജഡേജ, സുരേഷ് റെയ്ന, യുവരാജ് സിങ്, മുഹമ്മദ് കൈഫ്. എന്നാൽ ഇക്കൂട്ടത്തിൽ ഇന്ത്യ കണ്ട എക്കാലത്തെയും മികച്ച ഫീൽഡർമാരിൽ ഒരാളായ റോബിൻ സിങിനെ ഭോഗ്ലെ ഉൾപ്പെടുത്തി. റോബിനെ പരിഗണിക്കാഞ്ഞത് ആരാധകരെ ചൊടിപ്പിച്ചിട്ടുണ്ട്.
Twitter-Manish P Nahar
Twitter-ಮಂದಣ್ಣ Rahul 🇮🇳🇮🇳🇮🇳
Twitter-Jeban Moses
Twitter-Sinhrann
വിമർശനവുമായി ആരാധകർ
ആദ്യ അഞ്ച് പേരിലെങ്കിലും ഉൾക്കൊള്ളിക്കാവുന്ന താരമായിട്ട് പോലും റോബിൻ സിങിനെ പരിഗണിക്കാഞ്ഞതിൽ ആരാധകർ വിമർശനം ഉയർത്തുന്നുണ്ട്. ഇന്ത്യയുടെ ജോണ്ടി റോഡ്സ് ആണ് റോബിൻ സിങ് എന്ന് വരെ ചിലർ ട്വീറ്റിന് പിന്നിൽ മറുപടിയായി നൽകുന്നുണ്ട്. എന്നിട്ടും റോബിനെ എങ്ങനെ വിട്ട് പോയെന്ന് ആരാധകർ ചോദിക്കുന്നു. ഇന്ത്യ കണ്ട മികച്ച ഓൾ റൗണ്ടർമാരിൽ ഒരാളാണ് റോബിൻ സിങ്.