​ഇംഗ്ലീഷ് കൗണ്ടിയിൽ ഹാംഷയ‍റുമായി കരാറൊപ്പിട്ട് ഹാഷിം അംല

ലണ്ടൻ: ഇംഗ്ലീഷ് കൗണ്ടിയിൽ കളിക്കാൻ ഹാംഷയ‍റുമായി കരാറൊപ്പിട്ട് ദക്ഷിണാഫ്രിക്കൻ താരം ഹാഷിം അംല. വരുന്ന സീസണിൽ മൂന്ന് മാസത്തേക്കാണ് കരാറൊപ്പിട്ടിരിക്കുന്നത്. നേരത്തെ എസ്സെക‍്‍സ്, നോട്ടിങ്‍ഹാംഷയ‍ർ, സറേ, ഡെ‍ർബിഷയ‍ർ എന്നീ ടീമുകൾക്കായി അംല കളിച്ചിട്ടുണ്ട്.

ഹാംഷയ‍റിനൊപ്പം കളിക്കാൻ സാധിക്കുന്നതിൽ ഏറെ സന്തോഷമുണ്ടെന്ന് അംല പറഞ്ഞു. 2014 മുതൽ 16 വരെ ദക്ഷിണാഫ്രിക്കൻ ടീമിൻെറ നായകനായിരുന്ന അംല 113 ടെസ്റ്റ് മത്സരങ്ങൾ കളിച്ചിട്ടുണ്ട്. ഇന്ത്യക്കെതിരെ മികച്ച റെക്കോ‍ർഡുള്ള താരം കൂടിയാണ് അംല.