രണ്ട് സൂപ്പർതാരങ്ങൾ പുറത്തേക്ക്! ഇംഗ്ലണ്ടിനെതിരെ ജയിക്കാൻ ഇന്ത്യ ഈ മൂന്ന് മാറ്റങ്ങൾ ഇന്ത്യ വരുത്തുമോ?!

കുൽദീപ് യാദവിനെ പോലെ പരിചയ സമ്പന്നനായ ഒരു കളിക്കാരനെ ഇങ്ങനെ മാറ്റിനിർത്തുന്നതിൽ വലിയ കാര്യമൊന്നുമില്ലെന്ന് ക്രിക്കറ്റ് വിദഗ്ദർ അഭിപ്രായപ്പെടുന്നു. ചെന്നൈ ടെസ്റ്റിൽ ഇന്ത്യ മൂന്ന് സ്പിന്നർമാരെയാണ് കളത്തിലിറക്കിയത്. ഇതിൽ ആർ അശ്വിനൊഴികെ മറ്റ് രണ്ട് പേർക്കും പന്ത് കൊണ്ട് കാര്യമായൊന്നും ചെയ്യാനായില്ല. രണ്ട് ടെസ്റ്റ് മാത്രം കളിച്ച ഷെഹബാസ് നദീമിനെ ഇനിയും പരീക്ഷിക്കുന്നതിലും ഇന്ത്യക്ക് നല്ലത് കുൽദീപിനെ രണ്ടാം ടെസ്റ്റിൽ ഇറക്കുന്നതായിരിക്കും.

അജിങ്ക്യ രഹാനെയെ രണ്ടാം ടെസ്റ്റിൽ ഇന്ത്യ മാറ്റിനിർത്തുകയെന്നത് അത്ര സാധ്യതയുള്ള കാര്യമല്ല. എന്നാൽ നാട്ടിൽ കഴിഞ്ഞ കുറച്ച് കാലമായി ദയനീയ പ്രകടനമാണ് രഹാനെ നടത്തുന്നത്. വെറും 32 മാത്രമാണ് നാട്ടിൽ അദ്ദേഹത്തിൻെറ ശരാശരി. ലിമിറ്റഡ് ഓവർ ക്രിക്കറ്റിൽ മികച്ച ഫോമിലുള്ള കെഎൽ രാഹുലിനെ ഇന്ത്യക്ക് ടെസ്റ്റിൽ പരീക്ഷിക്കാവുന്നതാണ്. പക്ഷേ, ഉപനായകനെ മാറ്റി നിർത്തി ഒരു കളിക്ക് ടീം മാനേജ്മെൻറ് തയ്യാറാവുമോയെനെന് കണ്ടറിയണം.

രോഹിത് ശർമ ഇന്ത്യൻ ടീമിൽ നിലവിലുള്ള ഏറ്റവും സീനിയറായ ബാറ്റ്സ്മാനാണ്. ടെസ്റ്റിൽ ഓപ്പണറായിറങ്ങി രോഹിത് ദക്ഷിണാഫ്രിക്കക്കെതിരെ ഗംഭീര പ്രകടനം നടത്തിയിരുന്നു. എന്നാൽ ആ പരമ്പരയ്ക്ക് ശേഷം കഴിഞ്ഞ കുറച്ച് ഇന്നിങ്സുകളിലായി താരത്തിന് ഒരു വലിയ ഇന്നിങ്സ് കളിക്കാൻ സാധിച്ചിട്ടില്ല. രോഹിതിനെ മാറ്റുകയാണെങ്കിൽ ടീം ഇന്ത്യ മായങ്ക് അഗർവാളിന് വീണ്ടും അവസരം നൽകുന്നതായിരിക്കും നല്ലത്.

Also Read: നാട്ടിൽ ടെസ്റ്റിൽ ദുരന്തമാവുന്നു, തോൽവിക്ക് കാരണക്കാരൻ അവൻ; ഇന്ത്യൻ താരത്തിനെതിരെ ആരാധകർ!!