ഹൈദരാബാദ് ടെസ്റ്റ്: വെസ്റ്റ് ഇന്‍ഡീസിന് തൊട്ടരികെ ഇന്ത്യ

ഹൈദരാബാദ്: വെസ്റ്റ് ഇന്‍ഡീസിന് എതിരെയുള്ള രണ്ടാം ക്രിക്കറ്റ് ടെസ്റ്റില്‍ ഇന്ത്യ മികച്ച നിലയില്‍. വിന്‍ഡീസിന്‍റെ ഒന്നാം ഇന്നിങ്‍സ്‍ സ്കോര്‍ 310, പിന്തുടര്‍ന്ന ഇന്ത്യ, രണ്ടാം ദിവസം കളിയവസാനിക്കുമ്പോള്‍ നാല് വിക്കറ്റ് നഷ്‍ടത്തില്‍ 308 റണ്‍സ് എടുത്തു. വെറും 3 റണ്‍സ് മാത്രം പിന്നിലാണ് ഇന്ത്യ.

റിഷഭ് പന്ത്, അജിങ്ക്യ രഹാനെ എന്നിവരാണ് ക്രീസില്‍. റിഷഭ് 85 റണ്‍സും രഹാനെ 75 റണ്‍സും നേടിയിട്ടുണ്ട്. പുതുമുഖതാരം പൃഥ്വി ഷാ, 70 റണ്‍സ് എടുത്ത് പുറത്തായിരുന്നു. ക്യാപ്റ്റന്‍ വിരാട് കോ‍ഹ്‍ലിയെ 45 റണ്‍സില്‍ വെസ്റ്റ് ഇന്‍ഡീസ് ക്യാപ്റ്റന്‍ ജെയ്‍സണ്‍ ഹോള്‍ഡര്‍ പുറത്താക്കി.

ഇന്ത്യന്‍ നിരയില്‍ ലോകേഷ് രാഹുല്‍ (4), ചേതേശ്വര്‍ പുജാര (10) എന്നിവരാണ് നിരാശപ്പെടുത്തിയത്. ജെയ്‍സണ്‍ ഹോള്‍ഡര്‍ 2 വിക്കറ്റ് വീഴ്‍ത്തി. സൗരാഷ്ട്രയില്‍ നടന്ന ആദ്യ ടെസ്റ്റില്‍ ഒരു ഇന്നിങ്സിനും 272 റണ്‍സിനും ഇന്ത്യ വിജയിച്ചിരുന്നു. പൃഥ്വി ഷാ ആയിരുന്നു മാന്‍ ഓഫ് ദി മാച്ച്. രണ്ട് ടെസ്റ്റുകളാണ് ഈ പരമ്പരയില്‍ ഉള്ളത്.