ന്യൂഡൽഹി: ഇന്ത്യൻ ക്രിക്കറ്റിൻെറ ഭാവി വാഗ്ദാനം ഋഷഭ് പന്തിന് 2018ലെ ഐസിസി പുതുമുഖ ക്രിക്കറ്റ് താരത്തിനുള്ള പുരസ്കാരം. 2018ൽ ടെസ്റ്റ് ക്രിക്കറ്റിൽ നടത്തിയ മികച്ച പ്രകടനമാണ് താരത്തിനെ പുരസ്കാരത്തിന് അർഹനാക്കിയത്. ഇംഗ്ലണ്ടിൽ ടെസ്റ്റ് ക്രിക്കറ്റിൽ സെഞ്ച്വറി നേടുന്ന ആദ്യ ഇന്ത്യൻ വിക്കറ്റ് കീപ്പറായിരുന്നു പന്ത്. ടെസ്റ്റിൽ ഓസ്ട്രേലിയക്കെതിരെയും പന്ത് സെഞ്ച്വറി നേടിയിരുന്നു. ഓസീസ് മണ്ണിൽ സെഞ്ച്വറി നേടുന്ന ആദ്യ ഇന്ത്യൻ വിക്കറ്റ് കീപ്പറും പന്താണ്. ഐസിസിയുടെ 2018ലെ ലോക ടെസ്റ്റ് ടീമിലും താരം ഇടം പിടിച്ചു. പന്തിനെ കൂടാതെ ഇന്ത്യൻ നായകൻ വിരാട് കോഹ്ലിയും പേസർ ജസ്പ്രീത് ബുംറയുമാണ് ടെസ്റ്റ് ടീമിലുള്ള മറ്റ് ഇന്ത്യൻ താരങ്ങൾ.
2019ലെ ലോകകപ്പിനുള്ള ഇന്ത്യൻ ടീമിൽ ഇടം പിടിക്കാൻ സാധ്യത കൽപ്പിക്കപ്പെടുന്ന താരത്തിന് ഐസിസി പുരസ്കാരം കൂടുതൽ പ്രതീക്ഷകളാണ് സമ്മാനിക്കുന്നത്.
2019ലെ ലോകകപ്പിനുള്ള ഇന്ത്യൻ ടീമിൽ ഇടം പിടിക്കാൻ സാധ്യത കൽപ്പിക്കപ്പെടുന്ന താരത്തിന് ഐസിസി പുരസ്കാരം കൂടുതൽ പ്രതീക്ഷകളാണ് സമ്മാനിക്കുന്നത്.