ഓസ്ട്രേലിയന്‍ ക്രിക്കറ്റ് താരം സ്റ്റീവ് സ്‍മിത്തിനെ വിലക്കി

ദുബായ്: പന്തിൽ കൃത്രിമം കാണിച്ചതിന് ഓസ്ട്രേലിയന്‍ ക്രിക്കറ്റ് ക്യാപ്റ്റൻ സ്റ്റീവ് സ‍്‍മിത്തിന് ഒരു ടെസ്റ്റില്‍ നിന്ന് വിലക്ക്. മാച്ച് ഫീസിന്‍റെ 100ശതമാനം സ്‍മിത്ത് പിഴയൊടുക്കണം. കൂട്ടുപ്രതി കാമറണ്‍ ബാന്‍ക്രോഫ്‍റ്റിന് 75 ശതമാനം പിഴ വിധിച്ചു.

അന്താരാഷ്ട്ര ക്രിക്കറ്റ് കൗണ്‍സില്‍ (ഐസിസി) ആണ് ശിക്ഷ വിധിച്ചത്.

ഓസ്ട്രേലിയന്‍ വൈസ് ക്യാപ്റ്റൻ ഡേവിഡ് വാ‍ർണര്‍ തന്‍റെ സ്ഥാനം രാജിവച്ചു. സംഭവവുമായി ബന്ധപ്പെട്ട് ഉടൻ അന്വേഷണം നടത്താൻ ക്രിക്കറ്റ് ഓസ്ട്രേലിയ തീരുമാനിച്ചിട്ടുണ്ട്. വിക്കറ്റ് കീപ്പ‍ർ ബാറ്റ്സ്മാൻ ടിം പെയ‍്‍ൻ ആയിരിക്കും ടീമിൻെറ പുതിയ താൽക്കാലിക നായകൻ. ച‍ർച്ചയ്ക്ക് ശേഷം സ്മിത്തും വാ‍ർണറും സ്ഥാനങ്ങൾ രാജി വെക്കാൻ തീരുമാനിക്കുകയായിരുന്നുവെന്ന് ക്രിക്കറ്റ് ഓസ്ട്രേലിയ അധികൃത‍ർ അറിയിച്ചു.

ദക്ഷിണാഫ്രിക്കക്കെതിരായ കേപ് ടൗൺ ടെസ്റ്റിൽ ഓസീസ് താരം കാമറൂൺ ബാൻക്രോഫ്റ്റ് ആണ് പന്തിൽ കൃത്രിമം കാണിച്ചത്. എന്നാൽ ടീമിലെ പ്രധാന താരങ്ങൾ അറിഞ്ഞ് കൊണ്ടാണ് ഇത് ചെയ്തതെന്ന് സ്മിത്ത് സമ്മതിച്ചിരുന്നു.