ഇന്ത്യ-പാക് ട്വന്‍റി20 മത്സരം കോൽക്കത്തയിൽ

ന്യൂഡൽഹി: ഇന്ത്യ-പാക് ട്വിന്‍റി20 മത്സരം കോൽക്കത്തയിൽ. വേദി മാറ്റണമെന്ന പാക്കിസ്ഥാൻെറ ആവശ്യത്തിന് ഇന്ത്യൻ ക്രിക്കറ്റ് ബോർഡ് വഴങ്ങുകയായിരുന്നു. മാർച്ച് 19നാണ് മത്സരം നടക്കുന്നത്. ഐസിസി മേധാവി ഡേവിഡ് റിച്ചാർഡ്സണാണ് വേദി മാറ്റിയ കാര്യം മാധ്യമങ്ങളെ അറിയിച്ചത്.

ധർമശാലയിൽ നിന്ന് വേദി മാറ്റിയില്ലെങ്കിൽ ടീമിനെ അയക്കാതിരിക്കുന്നതുൾപ്പെടെയുള്ള നടപടികൾ സ്വീകരിക്കുമെന്ന് പാക്കിസ്ഥാൻ ക്രിക്കറ്റ് കൺട്രോൾ ബോർഡ് വ്യക്തമാക്കിയിരുന്നു. ശിവസേനയുടെ ഭീഷണിയെ തുടർന്നാണ് വേദി മാറ്റാൻ പാക്കിസ്ഥാൻ ആവശ്യപ്പെട്ടിരുന്നത്.