മിതാലിയുടെ മികവിൽ പാകിസ്ഥാനെ ഏഴ് വിക്കറ്റിന് തകർത്ത് ഇന്ത്യ

ഗയാന: മിതാലി രാജ് മുന്നിൽ നിന്ന് നയിച്ചപ്പോൾ വനിതാ ട്വൻറി20 ലോകകപ്പിൽ പാകിസ്ഥാനെതിരെ ഇന്ത്യക്ക് തകർപ്പൻ വിജയം. പാക് സ്കോർ പിന്തുടർന്ന് ഇറങ്ങിയ ഇന്ത്യക്കായി മിതാലി 47 പന്തിൽ നിന്ന് 56 റൺസെടുത്തു.

ഏഴ് വിക്കറ്റിനാണ് ഇന്ത്യ ലോകകപ്പ് ഗ്രൂപ്പ് ഘട്ടത്തിലെ രണ്ടാം മത്സരത്തിൽ പാകിസ്ഥാനെ തോൽപ്പിച്ചത്. ഇന്ത്യയുടെ തുടർച്ചയായ രണ്ടാം വിജയമാണ് ഇത്. ആദ്യ മത്സരത്തിൽ ന്യൂസിലൻറിനെയാണ് ഇന്ത്യ തോൽപ്പിച്ചിരുന്നത്. ട

പാകിസ്ഥാൻെറ 134 റൺസ് ലക്ഷ്യം പിന്തുടർന്ന് ഇറങ്ങിയ ഇന്ത്യ 19 ഓവറിൽ ലക്ഷ്യം മറികടന്നു. ആദ്യ മത്സരത്തിൽ സെഞ്ച്വറി നേടിയ ക്യാപ്റ്റൻ ഹ‍ർമൻ പ്രീത് കൗറും വേദ കൃഷ്ണമൂർത്തിയും പുറത്താവാതെ നിന്നു.

പാകിസ്ഥാന് വേണ്ടി ബിസ്മ മറൂഫ്, നിത ദർ എന്നിവർ അർധശതകങ്ങൾ നേടി. രണ്ട് മത്സരങ്ങൾ വിജയിച്ച ഇന്ത്യ സെമി സാധ്യതകൾ സജീവമാക്കിയിരിക്കുകയാണ്.