എെസിസി ലോക റാങ്കിങ്: കോഹ്‍ലി തന്നെ ഒന്നാമൻ

ദുബായ്: എെസിസിയുടെ പുതിയ ലോക റാങ്കിങിൽ ബാറ്റ്സ്മാൻമാരുടെ പട്ടികയിൽ ഇന്ത്യൻ ക്യപ്റ്റൻ വിരാട് കോഹ്‍ലി ഒന്നാം സ്ഥാനം നില നി‍ർത്തി. ഇന്ത്യൻ ബാറ്റ്സ്മാൻ രോഹിത് ശർമ്മ നാല് സ്ഥാനങ്ങൾ മുന്നോട്ട് കയറി അഞ്ചാമതെത്തി. ഓസ്ട്രേലിയക്കെതിരായ പരമ്പരയിലെ റൺ വേട്ടയാണ് രോഹിതിനെ അഞ്ചാമതെത്തിച്ചത്.

കരിയറിലെ ഏറ്റവും മികച്ച റാങ്കിങിലാണ് രോഹിതെന്ന് എെസിസി വ്യക്തമാക്കി. ഓസീസിനെതിരായ പരമ്പരയിൽ ഒരു സെഞ്ച്വറിയടക്കം 296 റൺസ് താരം നേടിയിരുന്നു. ഓസീസിനെതിരായ പരമ്പര വിജയത്തോടെ ഇന്ത്യ ലോക റാങ്കിങിൽ ഒന്നാമതെത്തി.

ബോളർമാരുടെ പട്ടികയിൽ ദക്ഷിണാഫ്രിക്കൻ ലെഗ് സ്പിന്നർ ഇമ്രാൻ താഹിർ ആണ് ഒന്നാമത്. ഇന്ത്യയുടെ അക്സർ പട്ടേൽ കരിയറിലെ ഏറ്റവും മികച്ച പ്രകടനവുമായി ഏഴാം സ്ഥാനത്തെത്തി. ബംഗ്ലാദേശിൻെറ ഷാക്കിബ് അൽ ഹസനാണ് ഓൾ റൗണ്ട‍ർമാരിൽ ഒന്നാമത്.

ICC World rankings: Virat Kohli tops the list

Indian captain Virat Kohli tops the latest ICC ODI rankings batsmen list, issued on Monday.