ന്യൂഡല്‍ഹി: ഈ വര്‍ഷം സെപ്റ്റംബറില്‍ പാകിസ്ഥാന്‍ (Pakistan) ആതിഥേയത്വം വഹിക്കേണ്ട 2023 ഏഷ്യാ കപ്പ് (Asia Cup 2023) ക്രിക്കറ്റ് ടൂര്‍ണമെന്റിന്റെ ഭാവി അനിശ്ചിതത്വത്തില്‍. കോണ്ടിനെന്റല്‍ ഇവന്റില്‍ പങ്കെടുക്കാന്‍ പാകിസ്ഥാനിലേക്ക് പോകില്ലെന്ന് ബിസിസിഐ (BCCI) വ്യക്തമാക്കിയതോടെയാണിത്. ഫെബ്രുവരി 4ന് ബഹ്റൈനില്‍ നടന്ന, ഏഷ്യന്‍ ക്രിക്കറ്റ് കൗണ്‍സില്‍ (എസിസി) യോഗത്തില്‍ ബിസിസിഐ സെക്രട്ടറി ജയ് ഷാ (Jay Shah) ഇക്കാര്യം ആവര്‍ത്തിച്ച് അറിയിക്കുകയായിരുന്നു. എസിസി പ്രസിഡന്റ് കൂടിയാണ് ജെയ് ഷാ.
ഇന്ത്യ പാകിസ്ഥാനിലെത്തുമോ എന്നത് സംബന്ധിച്ച് അന്തിമ തീരുമാനമായിരുന്നില്ല. എന്നാല്‍, ശനിയാഴ്ച നടന്ന ഏഷ്യന്‍ ക്രിക്കറ്റ് കൗണ്‍സില്‍ യോഗത്തില്‍ ബിസിസിഐ തീരുമാനം വ്യക്തമാക്കിയതിന് പിന്നാലെ, ഏകദിന ലോകകപ്പില്‍ പങ്കെടുക്കാന്‍ പാകിസ്ഥാന്‍ പുരുഷ ക്രിക്കറ്റ് ടീം ഇന്ത്യയിലേക്ക് പോകില്ലെന്ന് പാകിസ്ഥാന്‍ ക്രിക്കറ്റ് ബോര്‍ഡും വ്യക്തമാക്കിയതായി പാക് മാധ്യമങ്ങളില്‍ റിപ്പോര്‍ട്ടുകളുണ്ട്.
പാക് മാധ്യമപ്രവര്‍ത്തകന്‍ ഫരീദ് ഖാനും മറ്റ് വിവിധ പാക് ചാനലുകളും പറയുന്നതനുസരിച്ച്, എസിസി യോഗത്തില്‍, പിസിബി മേധാവി നജാം സേത്തി ജയ് ഷായെ കാണുകയും പാകിസ്ഥാന്റെ തീരുമാനത്തെക്കുറിച്ച് അദ്ദേഹത്തെ അറിയിക്കുകയും ചെയ്തു. കഴിഞ്ഞ വര്‍ഷം പിസിബി ചീഫ് ആയിരുന്ന റമീസ് രാജയും ഇക്കാര്യം അറിയിച്ചിരുന്നു. നിങ്ങള്‍ പാകിസ്ഥാനില്‍ കളിക്കാന്‍ വന്നില്ലെങ്കില്‍, 2023 ലോകകപ്പില്‍ ഞങ്ങള്‍ ഇന്ത്യയിലും കളിക്കില്ലെന്നാണ് പാകിസ്ഥാന്റെ നിലപാട്.
ഇന്ത്യയിലെ വിവിധ മാധ്യമങ്ങള്‍ റിപ്പോര്‍ട്ട് ചെയ്യുന്നതനുസരിച്ച്, 2023 ലെ ഏഷ്യാ കപ്പ് യുണൈറ്റഡ് അറബ് എമിറേറ്റില്‍ നടക്കും. ടൂര്‍ണമെന്റിന്റെ ആതിഥേയാവകാശം പാകിസ്ഥാന്‍ നിലനിര്‍ത്തുമെങ്കിലും മത്സരം നിഷ്പക്ഷ വേദിയിലായിരിക്കും നടക്കുക. മത്സരത്തിന് ആതിഥേയത്വം വഹിക്കാനുള്ള അവകാശം ഇന്ത്യയ്ക്കും ശ്രീലങ്കയ്ക്കും ഉണ്ടായിരുന്നിട്ടും 2018, 2022 പതിപ്പുകളും യുഎഇയില്‍ നടന്നിരുന്നു.
എസിസി അഫിലിയേറ്റ്സ് യോഗത്തില്‍ ക്രിയാത്മകമായ ചര്‍ച്ചകള്‍ നടന്നെന്ന് ബിസിസിഐ മുതിര്‍ന്ന ഉദ്യോഗസ്ഥന്‍ പിടിഐയോട് പറഞ്ഞു. എന്നാല്‍ വേദി തീരുമാനം മാര്‍ച്ചില്‍ പ്രഖ്യാപിക്കും. ഇന്ത്യ പാകിസ്ഥാനിലേക്ക് പോകാത്തതിനാല്‍ ടൂര്‍ണമെന്റ് മാറ്റേണ്ടിവരുമെന്ന് ഉറപ്പിക്കാം. വിരാട് കോഹ്ലി, രോഹിത് ശര്‍മ, ശുഭ്മാന്‍ ഗില്‍ എന്നിവര്‍ ഇല്ലാത്ത ടൂര്‍ണമെന്റിന് സ്പോണ്‍സര്‍മാരുണ്ടാകില്ലെന്നും അദ്ദേഹം വ്യക്തമാക്കി.
2023 ഏഷ്യാ കപ്പ് 50 ഓവര്‍ ഫോര്‍മാറ്റില്‍ കളിക്കും. ക്രിക്കറ്റ് ലോകകപ്പിന് ഒരു മാസം മുമ്പ് സെപ്റ്റംബറില്‍ നടക്കാന്‍ സാധ്യതയുണ്ട്. 2025ലെ ചാമ്പ്യന്‍സ് ട്രോഫിക്കും പാകിസ്ഥാന്‍ ആണ് ആതിഥേയത്വം വഹിക്കുന്നത്. എന്നാല്‍, ഇന്ത്യ ബഹിഷ്‌കരിക്കുമെന്ന് അറിയിച്ചാല്‍ ടൂര്‍ണമെന്റ് മാറ്റേണ്ടിവരും.
ഇന്ത്യ പാകിസ്ഥാനിലെത്തുമോ എന്നത് സംബന്ധിച്ച് അന്തിമ തീരുമാനമായിരുന്നില്ല. എന്നാല്‍, ശനിയാഴ്ച നടന്ന ഏഷ്യന്‍ ക്രിക്കറ്റ് കൗണ്‍സില്‍ യോഗത്തില്‍ ബിസിസിഐ തീരുമാനം വ്യക്തമാക്കിയതിന് പിന്നാലെ, ഏകദിന ലോകകപ്പില്‍ പങ്കെടുക്കാന്‍ പാകിസ്ഥാന്‍ പുരുഷ ക്രിക്കറ്റ് ടീം ഇന്ത്യയിലേക്ക് പോകില്ലെന്ന് പാകിസ്ഥാന്‍ ക്രിക്കറ്റ് ബോര്‍ഡും വ്യക്തമാക്കിയതായി പാക് മാധ്യമങ്ങളില്‍ റിപ്പോര്‍ട്ടുകളുണ്ട്.
പാക് മാധ്യമപ്രവര്‍ത്തകന്‍ ഫരീദ് ഖാനും മറ്റ് വിവിധ പാക് ചാനലുകളും പറയുന്നതനുസരിച്ച്, എസിസി യോഗത്തില്‍, പിസിബി മേധാവി നജാം സേത്തി ജയ് ഷായെ കാണുകയും പാകിസ്ഥാന്റെ തീരുമാനത്തെക്കുറിച്ച് അദ്ദേഹത്തെ അറിയിക്കുകയും ചെയ്തു. കഴിഞ്ഞ വര്‍ഷം പിസിബി ചീഫ് ആയിരുന്ന റമീസ് രാജയും ഇക്കാര്യം അറിയിച്ചിരുന്നു. നിങ്ങള്‍ പാകിസ്ഥാനില്‍ കളിക്കാന്‍ വന്നില്ലെങ്കില്‍, 2023 ലോകകപ്പില്‍ ഞങ്ങള്‍ ഇന്ത്യയിലും കളിക്കില്ലെന്നാണ് പാകിസ്ഥാന്റെ നിലപാട്.
ഇന്ത്യയിലെ വിവിധ മാധ്യമങ്ങള്‍ റിപ്പോര്‍ട്ട് ചെയ്യുന്നതനുസരിച്ച്, 2023 ലെ ഏഷ്യാ കപ്പ് യുണൈറ്റഡ് അറബ് എമിറേറ്റില്‍ നടക്കും. ടൂര്‍ണമെന്റിന്റെ ആതിഥേയാവകാശം പാകിസ്ഥാന്‍ നിലനിര്‍ത്തുമെങ്കിലും മത്സരം നിഷ്പക്ഷ വേദിയിലായിരിക്കും നടക്കുക. മത്സരത്തിന് ആതിഥേയത്വം വഹിക്കാനുള്ള അവകാശം ഇന്ത്യയ്ക്കും ശ്രീലങ്കയ്ക്കും ഉണ്ടായിരുന്നിട്ടും 2018, 2022 പതിപ്പുകളും യുഎഇയില്‍ നടന്നിരുന്നു.
എസിസി അഫിലിയേറ്റ്സ് യോഗത്തില്‍ ക്രിയാത്മകമായ ചര്‍ച്ചകള്‍ നടന്നെന്ന് ബിസിസിഐ മുതിര്‍ന്ന ഉദ്യോഗസ്ഥന്‍ പിടിഐയോട് പറഞ്ഞു. എന്നാല്‍ വേദി തീരുമാനം മാര്‍ച്ചില്‍ പ്രഖ്യാപിക്കും. ഇന്ത്യ പാകിസ്ഥാനിലേക്ക് പോകാത്തതിനാല്‍ ടൂര്‍ണമെന്റ് മാറ്റേണ്ടിവരുമെന്ന് ഉറപ്പിക്കാം. വിരാട് കോഹ്ലി, രോഹിത് ശര്‍മ, ശുഭ്മാന്‍ ഗില്‍ എന്നിവര്‍ ഇല്ലാത്ത ടൂര്‍ണമെന്റിന് സ്പോണ്‍സര്‍മാരുണ്ടാകില്ലെന്നും അദ്ദേഹം വ്യക്തമാക്കി.
2023 ഏഷ്യാ കപ്പ് 50 ഓവര്‍ ഫോര്‍മാറ്റില്‍ കളിക്കും. ക്രിക്കറ്റ് ലോകകപ്പിന് ഒരു മാസം മുമ്പ് സെപ്റ്റംബറില്‍ നടക്കാന്‍ സാധ്യതയുണ്ട്. 2025ലെ ചാമ്പ്യന്‍സ് ട്രോഫിക്കും പാകിസ്ഥാന്‍ ആണ് ആതിഥേയത്വം വഹിക്കുന്നത്. എന്നാല്‍, ഇന്ത്യ ബഹിഷ്‌കരിക്കുമെന്ന് അറിയിച്ചാല്‍ ടൂര്‍ണമെന്റ് മാറ്റേണ്ടിവരും.