ടി20 ലോകകപ്പിനായുള്ള ഇന്ത്യന് ടീമിനെ പ്രഖ്യാപിച്ചതിന് പിന്നാലെ സഞ്ജു സാംസണിനെ ഉള്പ്പെടുത്തിയില്ലെന്ന് വിമര്ശനം ഉയര്ന്നിരുന്നു. 2022ല് മികച്ച ഫോമില് കളിച്ച താരത്തെ മറ്റു ചില കളിക്കാര്ക്കുവേണ്ടി തഴഞ്ഞു എന്ന രീതിയിലാണ് മുഖ്യമായും ആരോപണം ഉയര്ന്നത്. ആരാധകര് സഞ്ജുവിന് വേണ്ടി സോഷ്യല് മീഡിയയിലും പ്രതിഷേധവുമായെത്തി. ഇപ്പോഴിതാ ഇതു സംബന്ധിച്ച് പ്രതികരണവുമായി എത്തിയിരിക്കുകയാണ് സഞ്ജു. ദേശീയ ടീമിലെത്തിയ കളിക്കാര്ക്ക് വേണ്ടി തന്നെ തഴഞ്ഞു എന്ന രീതിയിലുള്ള പ്രതിഷേധം ശരിയല്ലെന്ന് സഞ്ജു പറഞ്ഞു. കെ എല് രാഹുലിന് പകരം സഞ്ജു സാംസണും ഋഷഭ് പന്തിന് പകരം സഞ്ജുവും എത്തുമെന്ന് സോഷ്യല് മീഡിയയില് ധാരാളം ചര്ച്ചകള് നടക്കുന്നുണ്ട്. എന്നാല് രണ്ടുപേരും എന്റെ സ്വന്തം ടീമിന് വേണ്ടിയാണ് കളിക്കുന്നത്, ഞാന് എന്റെ സ്വന്തം ടീമംഗങ്ങളുമായി മത്സരിച്ചാല് അത് എന്റെ രാജ്യത്തെ നിരാശപ്പെടുത്തുന്നതിന് തുല്യമായിരിക്കുമെന്ന് സഞ്ജു പ്രതികരിച്ചു.
പോസിറ്റീവായി ചിന്തിക്കാന് ആഗ്രഹിക്കുന്ന വ്യക്തയാണ് താന്. അഞ്ച് വര്ഷത്തിന് ശേഷം ഇന്ത്യന് ടീമിലേക്ക് തിരിച്ചുവരാന് സാധിച്ചതില് ഞാന് വളരെ ഭാഗ്യവാനാണ്. കാരണം ലോകത്തിലെ ഏറ്റവും മികച്ച ടീമിലേക്ക് തിരിച്ചുവരുന്നത് എളുപ്പമല്ല. അതിനാല് തന്നെ ഞാന് തികച്ചും ഭാഗ്യവാനാണെന്ന് സഞ്ജു സാംസണ് (Sanju Samson) വ്യക്തമാക്കി. സഞ്ജുവിന് വേണ്ടി പ്രതിഷേധം സംഘടിപ്പിക്കാന് ആരാധകര് ഒരുങ്ങവെയാണ് താരം ഈ രീതിയിലുള്ള വിശദീകരണം നല്കിയത്.
ദക്ഷിണാഫ്രിക്ക -ഇന്ത്യ ടി20 മത്സരം കഴക്കൂട്ടത്ത് നടക്കാനിരിക്കയാണ്. ഈ ടി20 മത്സരത്തിനിടെ സഞ്ജുവിനായി പ്രതിഷേധിക്കാനാണ് ആരാധകരുടെ നിര്ദ്ദേശം. സഞ്ജുവിന്റെ ചിത്രമുള്ള ടീ ഷര്ട്ടുകള് ധരിച്ച് മത്സരം കാണാനെത്താൻ ആരാധകക്കൂട്ടം സോഷ്യല് മീഡിയയിലൂടെ ആഹ്വാനം ചെയ്തിരുന്നു. താരത്തിനുവേണ്ടി ഇത്രയെങ്കിലും ചെയ്യണമെന്നാണ് ആരാധകരുടെ നിലപാട്.
2022ല് സഞ്ജുവിന്റെ റെക്കോര്ഡ് ഏറെ മികച്ചതാണ്. ക്യാപ്റ്റനെന്ന നിലയില് രാജസ്ഥാന് റോയല്സിനെ (Rajathan Royals) ഐപിഎല് 2022 (IPL 2022)ന്റെ ഫൈനലിലേക്ക് നയിച്ചു. അയര്ലന്ഡിനെതിരായ രണ്ട് മത്സരങ്ങളിലും ഇംഗ്ലണ്ടിനെതിരായ പരമ്പരയിലും വെസ്റ്റിന്ഡീസ്, സിംബാബ്വെ എന്നിവര്ക്കെതിരേയും താരം മികവുകാട്ടി. 2022ല് കളിച്ച ആറ് ടി20 മത്സരങ്ങളില് 44.75 ശരാശരിയില് 179 റണ്സ് നേടി. 158.41 ആണ് സ്ട്രൈക്ക് റേറ്റ്. ഇത്തരം ഒരു താരത്തെ ഒഴിവാക്കിയത് ന്യായീകരിക്കാന് സാധിക്കില്ലെന്നാണ് ആരാധകരുടെ നിലപാട്.
Read Latest Sports News and Malayalam News
പോസിറ്റീവായി ചിന്തിക്കാന് ആഗ്രഹിക്കുന്ന വ്യക്തയാണ് താന്. അഞ്ച് വര്ഷത്തിന് ശേഷം ഇന്ത്യന് ടീമിലേക്ക് തിരിച്ചുവരാന് സാധിച്ചതില് ഞാന് വളരെ ഭാഗ്യവാനാണ്. കാരണം ലോകത്തിലെ ഏറ്റവും മികച്ച ടീമിലേക്ക് തിരിച്ചുവരുന്നത് എളുപ്പമല്ല. അതിനാല് തന്നെ ഞാന് തികച്ചും ഭാഗ്യവാനാണെന്ന് സഞ്ജു സാംസണ് (Sanju Samson) വ്യക്തമാക്കി. സഞ്ജുവിന് വേണ്ടി പ്രതിഷേധം സംഘടിപ്പിക്കാന് ആരാധകര് ഒരുങ്ങവെയാണ് താരം ഈ രീതിയിലുള്ള വിശദീകരണം നല്കിയത്.
2022ല് സഞ്ജുവിന്റെ റെക്കോര്ഡ് ഏറെ മികച്ചതാണ്. ക്യാപ്റ്റനെന്ന നിലയില് രാജസ്ഥാന് റോയല്സിനെ (Rajathan Royals) ഐപിഎല് 2022 (IPL 2022)ന്റെ ഫൈനലിലേക്ക് നയിച്ചു. അയര്ലന്ഡിനെതിരായ രണ്ട് മത്സരങ്ങളിലും ഇംഗ്ലണ്ടിനെതിരായ പരമ്പരയിലും വെസ്റ്റിന്ഡീസ്, സിംബാബ്വെ എന്നിവര്ക്കെതിരേയും താരം മികവുകാട്ടി. 2022ല് കളിച്ച ആറ് ടി20 മത്സരങ്ങളില് 44.75 ശരാശരിയില് 179 റണ്സ് നേടി. 158.41 ആണ് സ്ട്രൈക്ക് റേറ്റ്. ഇത്തരം ഒരു താരത്തെ ഒഴിവാക്കിയത് ന്യായീകരിക്കാന് സാധിക്കില്ലെന്നാണ് ആരാധകരുടെ നിലപാട്.
Read Latest Sports News and Malayalam News