മാർഷിനെ ഒഴിവാക്കി, ഖ്വാജ ടീമിൽ; മാറ്റങ്ങളുമായി ഓസ്ട്രേലിയ

അഡലെയ‍്‍‍ഡ‍്‍: ഇന്ത്യക്കെതിരായ ആദ്യ ടെസ്റ്റിനുള്ള ഓസ്ട്രേലിയൻ ടീമിൽ നിന്ന് ഓൾ റൗണ്ടർ മിച്ചൽ മാർഷിനെ ഒഴിവാക്കി. പകരം ഉസ്മാൻ ഖ്വാജ കളിക്കും. ഖ്വാജ ടീമിലുണ്ടാവില്ലെന്ന് സൂചനകളുണ്ടായിരുന്നു. എന്നാൽ 11 അംഗ ടീം പ്രഖ്യാപിച്ചപ്പോൾ മാർഷ് ഒഴിവായി, ഖ്വാജ ടീമിൽ സ്ഥാനം ഉറപ്പിക്കുകയും ചെയ്തു.

പീറ്റർ ഹാൻസ്കോമ്പ്, ട്രാവിസ് ഹെഡ് എന്നിവരാണ് മാർഷിനെ പിന്തള്ളി ടീമിൽ ഇടംപിടിച്ച ബാറ്റ്സ്മാൻമാർ. ക്യാപ്റ്റൻ ടിം പെയ്നിൻെറ നേതൃത്വത്തിലാണ് ഓസ്ട്രേലിയ ഇറങ്ങുന്നത്. മാർഷിനെ പരമ്പരയിൽ ഉപയോഗപ്പെടുത്തുമെന്ന് പെയ്ൻ പറഞ്ഞു. മാർക്കസ് ഹാരിസും ആരോൺ ഫിഞ്ചുമായിരിക്കും ഓപ്പൺ ചെയ്യുക.

ടീം ഇവരിൽ നിന്ന്: മാർക്കസ് ഹാരിസ്, ആരോൺ ഫിഞ്ച്, ഉസ്മാൻ ഖ്വാജ, ഷോൺ മാർഷ്, ട്രാവിസ് ഹെഡ്, പീറ്റ‍ർ ഹാൻഡ‍്‍സ‍്‍കോമ്പ്, ടിം പെയ്ൻ (ക്യാ), ജോഷ് ഹേസൽവുഡ്, പാറ്റ് കമ്മിൻസ്, നഥാൻ ലിയോൺ, മിച്ചൽ സ്റ്റാർക്ക്.