നാഗ്പൂർ: ഓസ്ട്രേലിയക്കെതിരെ ഈ വർഷം മികച്ച ഫോമിലായിരുന്ന എംഎസ് ധോണി ഒടുവിൽ നാഗ്പൂർ ഏകദിനത്തിൽ സംപൂജ്യനായി. നാണക്കേടിൻെറ റെക്കോർഡ് സ്വന്തം പേരിൽ എഴുതിച്ചേർത്താണ് ധോണി ഗോൾഡൻ ഡക്കായി മടങ്ങിയത്. കഴിഞ്ഞ ഒമ്പത് വർഷത്തിനിടയിൽ ഇതാദ്യമായാണ് ധോണി ഗോൾഡൻ ഡക്കാവുന്നത്. 33ാം ഓവറിലാണ് ധോണി ബാറ്റ് ചെയ്യാനെത്തുന്നത്. ഓസീസ് ബോളർ ആഡം സാംപയാണ് ആദ്യപന്തിൽ തന്നെ ധോണിയെ മടക്കി അയച്ചത്. ഉസ്മാൻ ഖ്വാജയ്ക്ക് ക്യാച്ച് നൽകിയായിരുന്നു ധോണിയുടെ മടക്കം. 2010ൽ ഓസ്ട്രേലിയക്കെതിരെയാണ് ധോണി അവസാനമായി ഗോൾഡൻ ഡക്കായി പുറത്തായിട്ടുള്ളത്.
ഏകദിനത്തിലെ അരങ്ങേറ്റ മത്സരത്തിൽ ധോണി ഗോൾഡൻ ഡക്കായിരുന്നു. ആകെ അഞ്ചാം തവണയാണ് ധോണി ഗോൾഡൻ ഡക്കായി പുറത്താവുന്നത്.
ഏകദിനത്തിലെ അരങ്ങേറ്റ മത്സരത്തിൽ ധോണി ഗോൾഡൻ ഡക്കായിരുന്നു. ആകെ അഞ്ചാം തവണയാണ് ധോണി ഗോൾഡൻ ഡക്കായി പുറത്താവുന്നത്.