റോസ് ടെയ‍്‍ലറുടെ സെഞ്ച്വറി
വെറ്ററൻ ബാറ്റ്സ്മാൻ റോസ് ടെയ‍്‍ലറുടെ സെഞ്ച്വറിയാണ് ന്യൂസിലൻറിനെ വിജയത്തിൽ എത്തിക്കുന്നതിൽ നിർണായക പങ്ക് വഹിച്ചത്. നായകൻ കെയ്ൻ വില്യംസണിൻെറ അഭാവത്തിൽ ടെയ‍്‍ലർ ബാറ്റിങ് നിരയെ മുന്നിൽ നിന്ന് നയിക്കുകയായിരുന്നു. 84 പന്തിൽ നിന്ന് 109 റൺസെടുത്ത് അദ്ദേഹം പുറത്താവാതെ നിന്നു. വെറും 73 പന്തിൽ നിന്നാണ് താരത്തിൻെറ സെഞ്ച്വറി പിറന്നത്.
Twitter-BCCI
Twitter-ICC
മികച്ച കൂട്ടുകെട്ടുകൾ
ചേസിങിൻെറ തുടക്കം മുതലേ മികച്ച കൂട്ടുകെട്ടുകളിലൂടെയാണ് ന്യൂസിലൻറ് മുന്നേറിയത്. ഓപ്പണർമാരായ മാർട്ടിൻ ഗപ്ടിലും ഹെൻറി നിക്കോൾസും ശ്രദ്ധയോടെയാണ് കളിച്ചത്. ഗപ്ടിൽ 32 റൺസെടുത്ത് പുറത്തായെങ്കിലും നിക്കോൾസ് സ്കോറിങ് ഉയർത്തി. 82 പന്തിൽ നിന്ന് 78 റൺസെടുത്ത നിക്കോൾസിനെ അവിശ്വസനീയ റൺ ഔട്ടിലൂടെയാണ് വിരാട് കോലി പുറത്താക്കിയത്. എന്നാൽ കിവീസിൻെറ യഥാർഥ മാച്ച് വിന്നിങ് പ്രകടനം വരാനിരിക്കുന്നതേ ഉണ്ടായിരുന്നുള്ളൂ.
Twitter-ICC
നിർണായകമായത് ടോം ലതാമിൻെറ ഇന്നിങ്സെന്ന് കോലി
നായകൻ ടോം ലതാമിൻെറ ഇന്നിങ്സാണ് ഇന്ത്യയിൽ നിന്ന് മത്സരം തട്ടിയെടുത്തതെന്ന് വിരാട് കോലി. ടെയ‍്‍ലർക്ക് മികച്ച പിന്തുണ നൽകിയ ലതാം അതിവേഗത്തിലാണ് മധ്യനിരയിൽ സ്കോർ ഉയർത്തിയത്. 48 പന്തിൽ നിന്ന് 69 റൺസെടുത്ത താരം എട്ട് ഫോറും രണ്ട് സിക്സും അടിച്ചു. "ടെയ‍്‍ലർ പരിചയ സമ്പന്നനായ ബാറ്റ്സ്മാനാണ്. എന്നാൽ ടോമിൻെറ ഇന്നിങ്സാണ് മത്സരത്തിൻെറ വഴിതിരിച്ചത്. വിജയത്തിൻെറ ക്രെഡിറ്റ് ഇരുവർക്കും അവകാശപ്പെട്ടതാണ്," കോലി പറഞ്ഞു.
Twitter-ICC
Twitter-BLACKCAPS
ശ്രേയസിൻെറ സെഞ്ച്വറി പാഴായി
ന്യസിലൻറ് ബാറ്റ്സ്മാൻമാരുടെ തകർപ്പൻ പ്രകടനത്തിന് മുന്നിൽ ഇന്ത്യൻ യുവതാരം ശ്രേയസ് അയ്യരുടെ കന്നി സെഞ്ച്വറി പാഴായി. 107 പന്തിൽ നിന്ന് 103 റൺസെടുത്താണ് ശ്രേയസ് പുറത്തായത്. നായകൻ വിരാട് കോലി 63 പന്തിൽ നിന്ന് 51 റൺസെടുത്തപ്പോൾ കെഎൽ രാഹുൽ 64 പന്തിൽ നിന്ന് 88 റൺസുമായി പുറത്താവാതെ നിന്നു.