ഇന്ത്യക്ക് മിന്നുന്ന തുടക്കം: മൂന്ന് വിക്കറ്റ് പിഴുത് ഭുവനേശ്വർ

കേപ് ടൗൺ: ദക്ഷിണാഫ്രിക്കക്കെതിരായ ഒന്നാം ക്രിക്കറ്റ് ടെസ്റ്റിൽ ഇന്ത്യക്ക് മിന്നുന്ന തുടക്കം. ആദ്യ അഞ്ചോവറിനിടെ ആതിഥേയർക്ക് മൂന്ന് വിക്കറ്റ് നഷ്ടമായി. ആദ്യ പന്തിൽ തന്നെ വിക്കറ്റ് പിഴുത് ഭുവനേശ്വർ
കുമാർ ദക്ഷിണാഫ്രിക്കയെ ഞെട്ടിച്ചു.

ഓപ്പണർ ഡീൻ എൽഗറിൻെറ വിക്കറ്റാണ് ആദ്യം വീണത്. ഏയ‍്‍ഡൻ മ‍ർക്ക‍്‍റം, ഹഷിം അംല എന്നിവരെയും ഭുവനേശ്വ‍ർ പുറത്താക്കി. ടോസ് നേടിയ ദക്ഷിണാഫ്രിക്ക ബാറ്റിങ് തെരഞ്ഞെടുക്കുകയായിരുന്നു. നിലവിൽ 9 ഓവറിൽ അവ‍ർ 32 റൺസെടുത്തിട്ടുണ്ട്.

മത്സരത്തിൽ ഫാസ്റ്റ് ബൗള‍ർ ജസ്പ്രീത് ബുംറ തൻെറ അരങ്ങേറ്റ ടെസ്റ്റിന് ഇന്നിറങ്ങുന്നു. ആ‍ർ.അശ്വിനാണ് ടീമിലെ ഏക സ്പിന്ന‍ർ. മോശം ഫോമിലുള്ള അജിങ്ക്യ രഹാനെയെ ഇന്ത്യ ടീമിൽ ഉൾപ്പെടുത്തിയിട്ടില്ല. പരിക്കിൽ നിന്ന് മോചിതനായ ശിഖ‍ർ ധവാൻ കളിക്കും. രോഹിത് ശ‍ർമ്മയും പ്ലേയിങ് ഇലവനിലുണ്ട്.