ഇന്ത്യയും വെസ്റ്റ് ഇന്ഡീസും തമ്മിലുള്ള ഏകദിന- ടി20 പരമ്പരകള് അടുത്ത മാസം ആരംഭിക്കാനിരിക്കെ ഇന്ത്യയുടെ വൈസ് ക്യാപ്റ്റന് രോഹിത് ശര്മയും വെസ്റ്റ് ഇന്ഡീസിന്റെ ഓള്റൗണ്ടര് കീറോണ് പൊള്ളാര്ഡും തമ്മില് എന്താണ് പ്രശ്നമെന്നാണ് ആരാധകര് ചോദിക്കുന്നത്. ഇരുവര്ക്കുമിടയില് എന്താണ് പ്രശ്നമെന്ന ചോദ്യം ട്വിറ്റര് അടക്കമുള്ള നവമാധ്യമങ്ങളിലാണ് ഉയര്ന്നു കേള്ക്കുന്നത്.
ഇന്ത്യ- വെസ്റ്റ് ഇന്ഡീസ് പരമ്പര ആരംഭിക്കാനിരിക്കെ രോഹിത് ശര്മയെ കീറോണ് പൊള്ളാര്ഡ് ട്വിറ്ററില് അണ്ഫോളോ ചെയ്തതാണ് പുതിയ സംശയങ്ങള്ക്ക് വഴി വെച്ചിരിക്കുന്നത്. അടുത്ത സുഹൃത്തുക്കളാണ് രോഹിതും പൊള്ളാര്ഡുമെന്നത് ക്രിക്കറ്റ് പ്രേമികള്ക്ക് എല്ലാം ഒരുപോലെ അറിയാവുന്ന കാര്യമാണ്. ഇന്ത്യന് പ്രീമിയര് ലീഗില് മുംബൈ ഇന്ത്യന്സിനായി ഇരുവരും ചേര്ന്ന് നടത്തിയ മിന്നുന്ന പ്രകടനവും കൂട്ടുകെട്ടും വലിയ മുന്നേറ്റമാണ് ക്ലബ്ബിന് നല്കിയത്.
Also Read: ആ ഫ്രഞ്ച് താരത്തെ സൈന് ചെയ്യിപ്പിക്കൂ.. യുവന്റസിനെ ഉപദേശിച്ച് മിഷേല് പ്ലാറ്റിനി
എന്നാല് പെട്ടെന്ന് ഒരു ദിവസം രോഹിത് ശര്മയെ പൊള്ളാര്ഡ് അണ്ഫോളോ ചെയ്യുന്നതിന്റെ പിന്നിലെന്ത് എന്നതാണ് ആരാധകര്ക്ക് അറിയേണ്ടത്. ഡിസംബര് ആറിനാണ് ഇന്ത്യയും വെസ്റ്റ് ഇന്ഡീസും തമ്മിലുള്ള ടി20 പരമ്പര ആരംഭിക്കുന്നത്. മൂന്ന് മത്സരങ്ങളടങ്ങിയ ടി20 പരമ്പര ഡിസംബര് 11ന് അവസാനിക്കും.
Also Read: റിഷഭ് പന്തോ സഞ്ജുവോ? രണ്ട് പുതിയ താരങ്ങളെത്തും!! ടി20 ടീം സാധ്യതകള് ഇങ്ങനെ
ഇതിന് പിന്നാലെയാണ് ഏകദിന പരമ്പരയ്ക്ക് തുടക്കമാകുക. മൂന്ന് ഏകദിനങ്ങളടങ്ങിയ പരമ്പയ്ക്കാണ് ഇന്ത്യ ആതിഥേയത്വം വഹിക്കുന്നത്. ഡിസംബർ 15ന് ചെന്നൈയിലാണ് ആദ്യ ഏകദിന മത്സരം നടക്കുന്നത്. ഡിസംബർ 18ന് വിശാഖപട്ടണത്ത് രണ്ടാം ഏകദിനവും നടക്കും. ഡിസംബർ 22ന് കട്ടക്കില് വെച്ചാണ് മൂന്നാം ഏകദിന മത്സരം നടക്കുക.