വനിതകളുടെ ട്വന്റി20 ഏഷ്യാകപ്പ് കിരീടം ഇന്ത്യയ്ക്ക്

ബാങ്കോക്ക്: വനിതകളുടെ ട്വന്റി20 ഏഷ്യാകപ്പ് കിരീടം ഇന്ത്യയ്ക്ക്. പാക്കിസ്ഥാനെ 17 റണ്‍സിന് തോല്‍പ്പിച്ചാണ് ഇന്ത്യയുടെ കിരീട നേട്ടം. ഇത് ആറാം തവണയാണ് ഇന്ത്യന്‍ വനിതകള്‍ ഏഷ്യാകപ്പ് ട്വന്റി20 കിരീടം നേടുന്നത്. ബാങ്കോക്കില്‍ നടന്ന ഫൈനലില്‍ ആദ്യം ബാറ്റ് ചെയ്ത ഇന്ത്യക്ക് നിശ്ചിത ഓവറില്‍ 121 റണ്‍സ് മാത്രമാണ് നേടാനായത്.

122 റണ്‍സ് വിജയലക്ഷ്യവുമായി മറുപടി ബാറ്റിങ്ങിനിറങ്ങിയ പാക്കിസ്ഥാന് നിശ്ചിത ഒാവറില്‍ ആറു വിക്കറ്റ് നഷ്ടത്തില്‍ 104 റണ്‍സെടുക്കാനെ സാധിച്ചുള്ളൂ. 25 റണ്‍സെടുത്ത ബിസ്മ മറോഫ് ആണ് പാക്കിസ്ഥാന്റെ ടോപ് സ്കോറര്‍.

ഇന്ത്യയ്ക്കായി ഏക്താ ബിഷത് 22 റണ്‍സ് വിട്ടു നില്‍കി രണ്ടു വിക്കറ്റ് വീഴ്ത്തി. അനുജ പാട്ടീല്‍, ജുഹ‍ലന്‍ ഗോസ്വാമി, ഷെയ്ഹ പാണ്ഡെ, പ്രീതി ബോസ് എന്നിവര്‍ ഒാരോ വിക്കറ്റ് വീതവും വീഴ്ത്തി.