ടെസ്റ്റ് തോൽവി: റാങ്കിങിൽ ഇന്ത്യക്ക് നഷ്ടമായത് 10 പോയിൻറ്

ന്യൂഡൽഹി: ഇംഗ്ലണ്ടിനെതിരായ ടെസ്റ്റ് പരമ്പരയിൽ പരാജയപ്പെട്ടതിന് ശേഷം ടെസ്റ്റ് റാങ്കിങിൽ ഇന്ത്യക്ക് നഷ്ടമായത് 10 പോയിൻറ്. നിലവിൽ ഇന്ത്യ തന്നെയാണ് ടെസ്റ്റ് റാങ്കിങിൽ ഒന്നാമത്. ഇംഗ്ലണ്ടിനെതിരായ പരമ്പര 5-0ന് തോറ്റാലും ഇന്ത്യക്ക് ഒന്നാംറാങ്ക് നഷ്ടമാവില്ലെന്ന് ഉറപ്പായിരുന്നു. 4-1നാണ് ഇന്ത്യ പരമ്പര തോറ്റത്.

നേരത്തെ 125 പോയിൻറ് ഉണ്ടായിരുന്ന ഇന്ത്യക്ക് ഇപ്പോൾ 115 പോയിൻറാണുള്ളത്. എന്നാലും നിലവിൽ ഇന്ത്യ തന്നെയാണ് ഒന്നാം സ്ഥാനത്തുള്ളത്. 97 പോയിൻറുമായി അഞ്ചാം സ്ഥാനത്തുണ്ടായിരുന്ന ഇംഗ്ലണ്ട് 105 പോയിൻറ് നേടി നിലവിൽ നാലാം സ്ഥാനത്തെത്തി.

106 പോയിൻറുമായി ദക്ഷിണാഫ്രിക്കയും ഓസ്ട്രേലിയയും രണ്ട്, മൂന്ന് സ്ഥാനങ്ങളിലുണ്ട്. 102 പോയിൻറുള്ള ന്യൂസിലൻറാണ് അഞ്ചാം സ്ഥാനത്ത്.