ബിസിസിഐ അനുമതി; ഇന്ത്യ ചാമ്പ്യന്‍സ് ട്രോഫി കളിക്കും

ന്യൂഡല്‍ഹി: ഐസിസി ചാമ്പ്യന്‍സ് ട്രോഫിയില്‍ ഇന്ത്യന്‍ ക്രിക്കറ്റ് ടീമിന് കളിക്കുന്നതിനുള്ള അനുമതിയായി. ഇന്ന് ചേര്‍ന്ന ബിസിസിഐ പ്രത്യേക ജനറല്‍ബോഡി മീറ്റിങ്ങിലാണ് തീരുമാനം.

തിങ്കളാഴ്‍ച്ച ടീമിനെ തെരഞ്ഞെടുക്കുമെന്നാണ് കരുതുന്നത്. വരുമാനവുമായി ബന്ധപ്പെട്ട തര്‍ക്കത്തില്‍ അന്താരാഷ്ട്ര ക്രിക്കറ്റ് കൗണ്‍സിലിന് നോട്ടീസ് നല്‍കേണ്ടതില്ലെന്നും ബിസിസിഐ യോഗം തീരുമാനിച്ചിട്ടുണ്ട്.

ഇംഗ്ലണ്ടിലും വെയില്‍സിലുമായാണ് ഇത്തവണ ചാമ്പ്യന്‍സ് ട്രോഫി നടക്കുന്നത്. കഴിഞ്ഞയാഴ്‍ച്ചയായിരുന്നു ചാമ്പ്യന്‍സ് ട്രോഫി ടീമിനെ പ്രഖ്യാപിക്കാനുള്ള സമയം. ഐസിസിയുമായുള്ള തര്‍ക്കങ്ങളെ തുടര്‍ന്ന് ഇന്ത്യ ടീം സെലക്ഷന്‍ വൈകിപ്പിക്കുകയായിരുന്നു. ടൂര്‍ണമെന്‍റില്‍ നിന്ന് ലഭിക്കേണ്ട വരുമാനത്തെക്കുറിച്ചുള്ള തര്‍ക്കമാണ് ബിസിസിഐയെ ചൊടിപ്പിച്ചത്.

India gets green signal to play in ICC Champions Trophy

Team India will take part in the upcoming ICC Champions trophy after a Special General Meeting of BCCI officials approved India's participation.