ഇന്‍ഡോറില്‍ ഇന്ത്യന്‍ കുതിപ്പ്; ലീഡ് 400ലേക്ക്

ഇന്‍ഡോര്‍: ന്യൂസിലന്‍റിന് എതിരെയുള്ള ഇന്‍ഡോര്‍ ടെസ്റ്റിന്‍റെ നാലാം ദിനം ഇന്ത്യ ശക്തമായ നിലയില്‍. രണ്ടാം ഇന്നിംഗ്‍സ് ബാറ്റിംഗ് പുനരാരംഭിച്ച ഇന്ത്യ, ഉച്ചഭക്ഷണത്തിന് പിരിയുമ്പോള്‍ 34 ഓവറില്‍ നിന്ന് രണ്ട് വിക്കറ്റ് നഷ്ടത്തില്‍ 127 റണ്‍സ് എടുത്തിട്ടുണ്ട്. ഇതോടെ ഇന്ത്യയുടെ ലീഡ് 385 റണ്‍സ് ആയി.

അര്‍ധ സെഞ്ച്വറി നേടിയ ചേതേശ്വര്‍ പുജാരയും വിരാട് കോഹ്‍ലിയുമാണ് ക്രീസില്‍. അര്‍ധ സെഞ്ച്വറി നേടിയ ഗൗതം ഗംഭീര്‍, മുരളി വിജയ് എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്. ആദ്യ ഇന്നിംഗ്‍സില്‍ വിരാട് കോ‍ഹ്ലിയുടെ ഇരട്ട സെഞ്ച്വറിയുടെ മികവില്‍ ഇന്ത്യ 557 റണ്‍സ് എടുത്തിരുന്നു. മറുപടി ബാറ്റിംഗില്‍ ന്യൂസിലന്‍റ് 299 റണ്‍സിന് എല്ലാവരും പുറത്തായി. പരമ്പരയിലെ മൂന്നാം ടെസ്റ്റ് മത്സരമാണിത്. മുന്‍പ് നടന്ന രണ്ട് മത്സരങ്ങളിലും ഇന്ത്യ വിജയിച്ചിരുന്നു.

India leads in Indore test

India leads by 385 runs on day four of Indore test match. Cheteswar Pujara hits a half-century to take Indian score to 127.