ആകെ 15 മത്സരങ്ങൾ
മാ‍ർച്ച് അഞ്ചിന് തുടങ്ങുന്ന ടൂ‍ർണമെൻറിൽ ആകെ 15 മത്സരങ്ങളാണുള്ളത്. ഇന്ത്യ ലെജൻറ്സും ബംഗ്ലാദേശ് ലെജൻറ്സും തമ്മിലാണ് ആദ്യ മത്സരം. ആറ് ടീമുകളാണ് ടൂ‍ർണമെൻറിനുള്ളത്. വെസ്റ്റ് ഇൻഡീസ്, ഇംഗ്ലണ്ട്, ശ്രീലങ്ക, ദക്ഷിണാഫ്രിക്ക എന്നീ ടീമുകളും കളിക്കും. വൈകീട്ട് ഏഴ് മണിക്കാണ് ആദ്യ ടി20 മത്സരം നടക്കുന്നത്.
ഇതിഹാസങ്ങൾ ഇറങ്ങുമ്പോൾ
ഇതിഹാസ താരങ്ങളെ വീണ്ടും കളിക്കളത്തിൽ കാണാൻ സാധിക്കുമെന്നതാണ് ടൂർണമെൻറിൻെറ പ്രത്യേകത. കെവിൻ പീറ്റേഴ്സണിൻെറ നേതൃത്വത്തിലാണ് ഇംഗ്ലണ്ട് ടീം ഇറങ്ങുന്നത്. ഒവൈസ് ഷാ, മാത്യു ഹൊഗ്ഗാ‍ർഡ്, മോണ്ടി പനേസ‍ർ തുടങ്ങിയവരും ടീമിലുണ്ട്. ബ്രയാൻ ലാറയുടെ നേതൃത്വത്തിലുള്ള വിൻഡീസ് നിരയിൽ മുൻ നായകൻ കാൾ ഹൂപ്പ‍ർ, റിഡ്ലി ജേക്കബ്സ് എന്നിവരുണ്ട്.
ജയസൂര്യയുടെ നേതൃത്വത്തിൽ ശ്രീലങ്ക
മുൻ നായകനും വെടിക്കെട്ട് ബാറ്റ്സ്മാനുമായ സനത് ജയസൂര്യയുടെ നേതൃത്വത്തിലാണ് ശ്രീലങ്ക ഇറങ്ങുന്നത്. ദിൽഷൻ, റസൽ ആ‍ർണോൾഡ് തുടങ്ങിയവ‍ർ ടീമിലുണ്ട്. ദക്ഷിണാഫ്രിക്കൻ നിരയിൽ ജോണ്ടി റോ‍ഡ്സ്, നിക്കി ബോയെ, മഖായ എൻടിനി എന്നിവ‍ർ കളിക്കുന്നുണ്ട്. ടൂർണമെൻറിൻെറ സെമിഫൈനലുകൾ മാ‍ർച്ച് 16, 17 തീയതികളിലും ഫൈനൽ മാ‍ർച്ച് 21നും നടക്കും.
ഇന്ത്യൻ നിരയിൽ ഇവ‍ർ
ഇതിഹാസ താരം സച്ചിൻ ടെണ്ടുൽക്കറുടെ നേതൃത്വത്തിലാണ് ഇന്ത്യ ലെജൻഡ്സ് ഇറങ്ങുന്നത്.
ടീം അംഗങ്ങൾ
സച്ചിൻ ടെണ്ടുൽക്കർ, വീരേന്ദർ സെവാഗ്, യുവരാജ് സിങ്, സഹീ‍ർ ഖാൻ, മുഹമ്മദ് കൈഫ്, ഇ‍ർഫാൻ പഠാൻ, നോയൽ ഡേവിഡ്, മുനാഫ് പട്ടേൽ, മൻപ്രീത് ഗോണി, നമൻ ഓജ, പ്രഗ്യാൻ ഓജ, യൂസഫ് പഠാൻ.
മാ‍ർച്ച് 5, 9, 13, എന്നീ തീയ്യതികളിലാണ് ഗ്രൂപ്പ് ഘട്ടത്തിൽ ഇന്ത്യയുടെ മത്സരങ്ങൾ.