ശ്രേയസ് അയ്യർ
പരിക്ക് കാരണം കുറച്ച് കാലം മത്സരങ്ങളിൽ നിന്ന് മാറിനിൽക്കേണ്ടി വന്നതിനാലാണ് ശ്രേയസ് അയ്യർ 2021 ലോകകപ്പ് കളിക്കാതിരുന്നത്. സൂര്യകുമാർ യാദവിനെ പോലുള്ള പ്രതിഭാശാലികളെ ഒഴിവാക്കാനും പറ്റുന്നതായിരുന്നില്ല. ഇത്തവണ റിസർവ് നിരയിൽ ശ്രേയസുണ്ടായിരുന്നു.
(BCCI/PTI Photo)
യുസ്വേന്ദ്ര ചാഹൽ
യുസ്വേന്ദ്ര ചാഹലിനെ 2021 ലോകകപ്പ് ടീമിൽ എന്ത് കൊണ്ട് ഉൾപ്പെടുത്തിയില്ലെന്നതിന് ടീം മാനേജ്മെൻറിന് വ്യക്തമായ ഒരു ഉത്തരം പറയാൻ സാധിച്ചിട്ടില്ല. ഐപിഎല്ലിൽ മിന്നുന്ന പ്രകടനം നടത്തിയിട്ടും സീനിയർ താരമായ ചാഹൽ പുറത്തായി. അത്ഭുതങ്ങൾ സംഭവിച്ചില്ലെങ്കിൽ അടുത്ത ലോകകപ്പ് ടീമിൽ ചാഹലുണ്ടാവും.
(AP/PTI)
ശിഖർ ധവാൻ
ഐസിസി ടൂർണമെൻറുകളിൽ ഇന്ത്യക്കായി തിളങ്ങാറുള്ള ശിഖർ ധവാന് പ്രായവും ശാരീരിക ക്ഷമതയുമാണ് വെല്ലുവിളിയായത്. ഐപിഎല്ലിൽ ഡൽഹി കാപ്പിറ്റൽസിനായി തകർപ്പൻ പ്രകടനം നടത്തിയ ധവാൻെറ തിരിച്ചുവരവ് എഴുതിത്തള്ളാനാവില്ല.
(PTI Photo/Sportzpics for IPL)
വാഷിങ്ടൺ സുന്ദർ
ഇന്ത്യയുടെ മികച്ച ടി20 ബോളറായ വാഷിങ്ടൺ സുന്ദർ പരിക്ക് കാരണം മാത്രമാണ് ലോകകപ്പ് ടീമിൽ നിന്നൊഴിവാക്കപ്പെട്ടത്. ഐപിഎൽ യുഎഇ ലെഗ്ഗിലും സുന്ദറിന് കളിക്കാനായില്ല. മികച്ച ബാറ്റർ കൂടിയാണെന്ന് തെളിയിച്ച സുന്ദർ വരുന്ന ലോകകപ്പ് ടീമിൽ കളിക്കാൻ തന്നെയാണ് സാധ്യത.
ടി നടരാജൻ
പേസ് ബോളിങിലെ വ്യത്യസ്തത ഇന്ത്യ നേരിടുന്ന വലിയ വെല്ലുവിളിയാണ്. ഇടങ്കയ്യൻ പേസറായ ടി നടരാജൻ എത്തുന്നതോടെ അതിന് വലിയ പരിഹാരമാവും. 2022 ലോകകപ്പിൽ ജസ്പ്രീത് ബുംറക്ക് പിന്തുണയുമായി നടരാജനുണ്ടാവും.