ലോകത്തെ ഏറ്റവും മികച്ച ടീം ഇന്ത്യയെന്ന് ആരോൺ ഫിഞ്ച്

ലോകത്തെ ഏറ്റവും മികച്ച ക്ലാസ് ടീമാണ് ഇന്ത്യയുടേതെന്ന് കോഹ്‍ലിയുടെ സംഘം തെളിയിക്കുകയാണെന്ന് ഓസീസ് ഓപ്പണർ ആരോൺ ഫിഞ്ച്. ഇന്ത്യക്കെതിരായ മൂന്ന് മത്സരവും പരാജയപ്പെട്ട് പരമ്പര നഷ്ടപ്പെട്ടിരിക്കുകയാണ് ഓസ്ട്രേലിയ. മൂന്നാം മത്സരത്തിൽ ഫിഞ്ച് സെഞ്ച്വറി നേടിയിരുന്നു. എന്നാൽ ആ പ്രകടനമൊന്നും ഇന്ത്യയെ തോൽപ്പിക്കാൻ മതിയാവുന്നതായിരുന്നില്ല.

ഒരു മത്സരം വിജയിക്കണമെങ്കിൽ ഒരവസരം പോലും നഷ്ടപ്പെടുത്താതെ കളിക്കണം. അതിന് നന്നായി കളിച്ചാൽ മാത്രം പോര. ചെറിയ അവസരം പോലും മുതലാക്കി മുന്നോട്ട് പോവാനുള്ള മനോഭാവവും വേണം. ഇക്കാര്യത്തിൽ ഇന്ത്യ ഏറ്റവും മികച്ച ടീമാണെന്ന് ഫിഞ്ച് പറഞ്ഞു.

ഇന്ത്യക്കെതിരായ ആദ്യ രണ്ട് മത്സരങ്ങളിലും ഓസ്ട്രേലിയക്ക് മത്സരം ജയിക്കാനുള്ള ചില അവസരങ്ങൾ ഉണ്ടായിരുന്നു. പക്ഷേ കളിയിൽ എതിർ ടീം കാണിക്കുന്ന ഒരു ചെറിയ അലംഭാവം പോലും ഇന്ത്യയെ കരുത്തരാക്കും, അദ്ദേഹം കൂട്ടിച്ചേർത്തു.

ഇന്ത്യക്കെതിരെ കളിക്കുമ്പോൾ 90 ശതമാനം പ്രകടനം പുറത്തെടുത്തിട്ട് കാര്യമില്ല, 100 ശതമാനത്തിൽ തന്നെ എത്തണമെന്നും ഫിഞ്ച് പറഞ്ഞു.

India showing they are a class above, says Aaron Finch

Opening batsman Aaron Finch marked his return to the Australia side with a defiant century in the third one-day international against India but the thrill was tempered by another loss for Steve Smith's struggling side.