ലോക ടെസ്റ്റ് ചാമ്പ്യൻഷിപ്പിൽ ഇന്ത്യ തന്നെ മുന്നിൽ; കാരണം ഇതാണ്, പോയിൻറ് നില ഇങ്ങനെ!

ന്യൂഡൽഹി: ഇംഗ്ലണ്ടും ഓസ്ട്രേലിയയും തമ്മിലുള്ള ആഷസ് ടെസ്റ്റ് പരമ്പര 2-2ന് സമനിലയിൽ അവസാനിച്ചിരിക്കുകയാണ്. ഓവലിൽ നടന്ന അവസാന ടെസ്റ്റിൽ 135 റൺസിനാണ് ഇംഗ്ലണ്ട് വിജയിച്ചത്. ഓസ്ട്രേലിയ ആഷസ് നിലനിർത്തി. ഇന്ത്യയും വെസ്റ്റ് ഇൻഡീസും തമ്മിലുള്ള ടെസ്റ്റ് പരമ്പരയും ന്യൂസിലൻറും ശ്രീലങ്കയും തമ്മിലുള്ള ടെസ്റ്റ് പരമ്പരയും ആയിരുന്നു മറ്റ് രണ്ട് പ്രധാന പരമ്പരകൾ.

ആഷസിന് ശേഷമുള്ള പോയിൻറ് പട്ടികയിലും ഇന്ത്യ തന്നെയാണ് ഒന്നാം സ്ഥാനത്തുള്ളത്. വെസ്റ്റ് ഇൻഡീസിനെതിരെ രണ്ട് ടെസ്റ്റ് മത്സരങ്ങൾ ജയിച്ചിട്ടുള്ള ഇന്ത്യക്ക് 120 പോയിൻറുണ്ട്. ഒരു സീരീസിൽ ലഭിക്കാവുനംന ഏറ്റവും കൂടുതൽ പോയിൻറുകൾ നിലവിൽ സ്വന്തമാക്കിയിരിക്കുന്നത് ഇന്ത്യ മാത്രമാണ്.

Read More: പന്തല്ല, മികച്ച വിക്കറ്റ് കീപ്പർ; ഇന്ത്യൻ ടീമിൽ കളിക്കാൻ അവനാണ് യോഗ്യൻ: തുറന്നടിച്ച് ഗംഭീർ

60 പോയിൻറുള്ള ന്യൂസിലൻറാണ് പോയിൻറ് പട്ടികയിൽ രണ്ടാം സ്ഥാനത്ത്. ശ്രീലങ്കക്കും 60 പോയിൻറുണ്ട്. ടീം മൂന്നാം സ്ഥാനത്താണ്. ആഷസ് പരമ്പരയിൽ രണ്ട് മത്സരങ്ങൾ വിജയിച്ചിട്ടുള്ള ഇംഗ്ലണ്ടിനും ഓസ്ട്രേലിയക്കും 56 വീതം പോയിൻറുകളാണുള്ളത്. ആകെ 9 ടീമുകളാണ് ടെസ്റ്റ് ചാമ്പ്യൻഷിപ്പിൽ ഉള്ളത്.

ലോക ടെസ്റ്റ് ചാമ്പ്യൻഷിപ്പിൽ പോയിൻറ് കണക്കാക്കുന്നത് ഇങ്ങനെയാണ്:

രണ്ട് ടെസ്റ്റുകളുടെ പരമ്പര: ജയം/ടൈ/സമനില - 60/30/20

മൂന്ന് ടെസ്റ്റുകളുടെ പരമ്പര: ജയം/ടൈ/സമനില - 40/20/13

നാല് ടെസ്റ്റുകളുടെ പരമ്പര: ജയം/ടൈ/സമനില - 30/15/10

അഞ്ച് ടെസ്റ്റുകളുടെ പരമ്പര: ജയം/ടൈ/സമനില - 24/12/8

ഇത് അനുസരിച്ച് ആഷസിലെ അഞ്ച് മത്സരങ്ങളുള്ള പരമ്പരയിൽ രണ്ട് ജയം നേടിയ ഓസ്ട്രേലിയക്കും ഇംഗ്ലണ്ടിനും ആകെ 48 പോയിൻറ് ലഭിച്ചു. സമനിലയായാൽ മൂന്നിൽ ഒന്ന് പോയിൻറ് മാത്രമേ ലഭിക്കുകയുള്ളൂ. സമനിലയായ മത്സരത്തിൽ ഓസ്ട്രേലിയക്കും ഇംഗ്ലണ്ടിനും 8 പോയിൻറ് മാത്രമാണ് ലഭിച്ചത്. അങ്ങനെയാണ് ഇരുടീമുകൾക്കും 56 പോയിൻറ് ആയത്.