Women's World T20: സെമിയിൽ ഇന്ത്യ ഇംഗ്ലണ്ടിനെ നേരിടും

ഗയാന: എെസിസി ട്വൻറി20 വനിതാ ലോകകപ്പിൻെറ സെമിഫൈനലിൽ ഇന്ത്യ ഇംഗ്ലണ്ടിനെ നേരിടും. വെള്ളിയാഴ്ചയാണ് ഇരുടീമുകളും തമ്മിലുള്ള സെമിഫൈനൽ പോരാട്ടം. തുടർച്ചയായി മൂന്ന് മത്സരങ്ങൾ ജയിച്ചാണ് ഇന്ത്യ സെമിഫൈനൽ ഉറപ്പിച്ചത്.

ബാറ്റിങ് നിരയും ബോളിങ് നിരയും ഒരുപോലെ ഫോമിലായ ഇന്ത്യ വലിയ പ്രതീക്ഷയാണ് ഇത്തവണ നൽകുന്നത്. കഴിഞ്ഞ വർഷം നടന്ന ഏകദിന വനിതാ ലോകകപ്പിൽ ഇന്ത്യ ഇംഗ്ലണ്ടിനോട് തോറ്റിരുന്നു. ഇതിന് മറുപടി നൽകാൻ ഇന്ത്യക്ക് ലഭിച്ചിരിക്കുന്ന അവസരം കൂടിയാണിത്.

മൂന്ന് തവണ ലോകചാമ്പ്യൻമാരായ ഓസ്ട്രേലിയയെയും കഴിഞ്ഞ മത്സരത്തിൽ ഇന്ത്യ പരാജയപ്പെടുത്തിയിരുന്നു. ലോകകപ്പിലെ മറ്റൊരു സെമിഫൈനലിൽ നിലവിലുള്ള ചാമ്പ്യൻമാരായ വെസ്റ്റ് ഇൻഡീസ് ഓസ്ട്രേലിയയെ നേരിടും.