ഡേ ആന്‍ഡ് നൈറ്റ് ടെസ്റ്റ് ക്രിക്കറ്റിന് ഇന്ത്യയും

ഇന്ത്യ ഡേ ആന്‍ഡ് നൈറ്റ് ടെസ്റ്റ് ക്രിക്കറ്റിന് തയ്യാറെടുക്കുന്നു. ഈ വര്‍ഷം ന്യൂസീലന്‍ഡിനെതിരെ ഇന്ത്യയിൽ നടക്കുന്ന ടെസ്റ്റ് പരമ്പരയില്‍ ഒരു മത്സരം പകല്‍-രാത്രി മല്‍സരമായിരിക്കുമെന്ന് ബിസിസിഐ സെക്രട്ടറി അനുരാഗ് താക്കൂര്‍ അറിയിച്ചു.

മല്‍സരവേദി പിന്നീട് തീരുമാനിക്കും. ദുലീപ് ട്രോഫി ടൂര്‍ണമെന്റും പകല്‍-രാത്രി മല്‍സരങ്ങളാക്കും. പിങ്ക് നിറത്തിലുള്ള കുക്കാബുറ പന്തുകളായിരിക്കും ഉപയോഗിക്കുക. കഴിഞ്ഞ വര്‍ഷം അഡ്ലെയ്ഡില്‍ ഓസ്ട്രേലിയയും ന്യൂസീലന്‍ഡും തമ്മിലാണ് ക്രിക്കറ്റ് ചരിത്രത്തിലെ ആദ്യ പകല്‍-രാത്രി ടെസ്റ്റ് മല്‍സരം കളിച്ചത്.