Asia Cup: അഫ്‍ഗാനിസ്ഥാനെതിരെ വിജയം നേടാൻ ഇന്ത്യ

ദുബായ്: ഏഷ്യാകപ്പിലെ സൂപ്പർ ഫോറിൽ ബംഗ്ലാദേശിനെയും പാകിസ്ഥാനെയും തോൽപ്പിച്ച ഇന്ത്യ ഫൈനൽ ഉറപ്പിച്ച് കഴിഞ്ഞു. മൂന്നാം മത്സരത്തിൽ ആത്മവിശ്വാസത്തോടെ അഫ്‍ഗാനിസ്ഥാനെ നേരിടാൻ ഒരുങ്ങുകയാണ് രോഹിതും കൂട്ടരും. കഴിഞ്ഞ മത്സരത്തിൽ ഒമ്പത് വിക്കറ്റിനാണ് ഇന്ത്യ പാകിസ്ഥാനെ തോൽപ്പിച്ചത്.

മുൻ നിര ബാറ്റ്സ്മാൻമാരുടെ ഫോമും ബോളർമാരുടെ കരുത്തും ഫീൽഡർമാരുടെ ഒത്തിണക്കവും ഇന്ത്യക്ക് മേൽക്കൈ നൽകുന്നുണ്ട്. എന്നാൽ പരമ്പരയിൽ അസാമാന്യ പോരാട്ടവീര്യം കാണിച്ച ടീമാണ് അഫ്‍ഗാനിസ്ഥാൻ.

ഇന്നത്തെ പാകിസ്ഥാനും ബംഗ്ലാദേശും തമ്മിലുള്ള മത്സരം സെമിഫൈനലിന് തുല്യമായ പോരാട്ടമായിരിക്കും. പാകിസ്ഥാനോടും ബംഗ്ലാദേശിനോടും വിജയത്തോട് അടുത്ത ശേഷമാണ് അഫ്ഗാൻ അവസാന ഓവറിൽ തോൽവി ഏറ്റുവാങ്ങിയത്.