ആദ്യ കളിയിലെ തോല്‍വി
ബാറ്റിങ്ങിലും ബൗളിങ്ങിലും ഫീല്‍ഡിങ്ങിലും ഒരുപോലെ പിന്നോട്ടുപോയതാണ് ആദ്യ കളിയില്‍ ഇന്ത്യയുടെ തോല്‍വിക്കിടയാക്കിയത്. ഓസീസ് ബാറ്റ്‌സ്മാന്മാരുടെ ക്യാച്ചുകള്‍ തുടരെ കൈവിട്ട ഇന്ത്യ കൂറ്റന്‍ സ്‌കോറിലേക്ക് നയിക്കാന്‍ ഫീല്‍ഡര്‍മാര്‍ കൈയ്യയച്ച് സഹായം ചെയ്തു. ബാറ്റിങ്ങില്‍ മുന്‍നിരക്കാര്‍ ബൗണ്‍സറുകളില്‍ അടിപതറി വീണതോടെ 66 റണ്‍സിന്റെ തോല്‍വി വഴങ്ങി.
(Photo/Rick Rycroft)
രണ്ടാം മത്സരത്തിലെ മാറ്റം
രണ്ടാം മത്സരത്തില്‍ ഒന്നോ അതിലധികമോ മാറ്റങ്ങള്‍ ഇന്ത്യന്‍ നിരയില്‍ കാണാം. നവദീപ് സെയ്‌നിക്കു പകരം ശാര്‍ദുല്‍ താക്കൂറോ ടി നടരാജനോ കളിക്കാനിടയുണ്ട്. യുസ്‌വേന്ദ്ര ചാഹലിനെ മാറ്റി കുല്‍ദീപ് യാദവിനേയും പരീക്ഷിച്ചേക്കാം. ബാറ്റിങ്ങില്‍ കാര്യമായ അഴിച്ചുപണിക്ക് സാധ്യതയില്ല. ആദ്യ കളിയില്‍ പരാജയപ്പെട്ടവര്‍ക്ക് ഒരവസരം കൂടി നല്‍കാനാകും ടീം മാനേജ്‌മെന്റിന്റെ തീരുമാനം. മനീഷ് പാണ്ഡെക്ക് അവസരം ലഭിക്കുമോയെന്നും കാത്തിരുന്ന് കാണണം.
(Photo/Rick Rycroft)
വിരാട് കോലിയുടെ ഫോം
ക്യാപ്റ്റന്‍ വിരാട് കോലിയുടെ ഫോം ടീം ഇന്ത്യയ്ക്ക് നിര്‍ണായകമാണ്. കോലി തിളങ്ങിയാല്‍ ഇന്ത്യയ്ക്ക് ജയസാധ്യതയുണ്ട്. ഓപ്പണിങ് കൂട്ടുകെട്ട് മികച്ച അടിത്തറയിയേണ്ടതും ഓസ്‌ട്രേലിയന്‍ പിച്ചുകളില്‍ ജയം തീരുമാനിക്കുന്ന ഘടകമാണ്. തുടക്കത്തില്‍ വിക്കറ്റ് സൂക്ഷിക്കുകയും 20 ഓവറിനുശേഷം സ്‌കോറിങ്ങിന് വേഗം കൂട്ടുകയുമാണ് ഓസ്‌ട്രേലിയയിലെ ബാറ്റിങ് തന്ത്രം. ഇതില്‍ പരാജയപ്പെടതാണ് ആദ്യ കളിയില്‍ ഇന്ത്യയ്ക്ക് തിരിച്ചടിയായത്.
(Photo/Rick Rycroft)
ജസ്പ്രീത് ബുംറയില്‍ പ്രതീക്ഷ
ഓസ്‌ട്രേലിയയുടെ പേസര്‍മാരും സ്പിന്നറും ആദ്യ മത്സരത്തില്‍ ഇന്ത്യയെ ഒരുപോലെ ബുദ്ധിമുട്ടിച്ചിരുന്നു. കെഎല്‍ രാഹുല്‍, ശ്രേയസ് അയ്യര്‍ എന്നിവര്‍ക്കൊപ്പം മായങ്ക് അഗര്‍വാളിനും തിളങ്ങാനായാല്‍ ബാറ്റിങ്ങിലെ പോരായ്മകള്‍ നികത്താം. സട്രൈക്ക് ബൗളറാകുമെന്ന് കരുതപ്പെട്ടിരുന്ന ജസ്പ്രീത് ബുംറയ്ക്ക് ഫോമിലേക്കുയരാന്‍ രണ്ടാം കളിയില്‍ കഴിയുമെന്നാണ് പ്രതീക്ഷ. അതേസമയം, മാറ്റങ്ങില്ലാതെയാകും ഓസ്‌ട്രേലിയ കളിക്കിറങ്ങുക. മികച്ച ഫോമില്‍ കളിക്കുന്ന ഓസീസ് തുടര്‍ജയവുമായി പരമ്പര സ്വന്തമാക്കാമെന്ന കണക്കുകൂട്ടലിലാണ്.