Ind Vs Aus: ഇന്ത്യ 307ന് പുറത്ത്, ഓസീസിന് 323 റൺസ് വിജയലക്ഷ്യം

അഡലെയഡ്: ഓസ്ട്രേലിയക്കെതിരായ ഒന്നാം ക്രിക്കറ്റ് ടെസ്റ്റിൻെറ നാലാം ദിനം രണ്ടാം ഇന്നിങ്സിൽ ഇന്ത്യ 307 റൺസിന് എല്ലാവരും പുറത്തായി. ഇന്ത്യക്കായി ചേതേശ്വർ പൂജാരയും അജിങ്ക്യ രഹാനെയും അർധശതകങ്ങൾ നേടി. ലോകേഷ് രാഹുൽ 44 റൺസ് നേടി. ഓസ്ട്രേലിയക്ക് ജയിക്കാൻ രണ്ടാം ഇന്നിങ്സിൽ 323 റൺസെടുക്കണം.

ഇന്ത്യൻ നിരയിൽ 1 റൺസെടുത്ത് മടങ്ങിയ രോഹിത് ശർമ്മ വീണ്ടും നിരാശപ്പെടുത്തി. വാലറ്റക്കാരിൽ ആർക്കും കാര്യമായി ഒന്നും ചെയ്യാനായില്ല. ഓസീസിന് വേണ്ടി സ്പിന്നർ നഥാൻ ലിയോൺ ആറ് വിക്കറ്റുകൾ വീഴ്ത്തി. മിച്ചൽ സ്റ്റാർക്ക് മൂന്ന് വിക്കറ്റെടുത്തു.

രണ്ടാം ഇന്നിങ്സ് ആരംഭിച്ച ഓസീസിന് ഇത് വരെ വിക്കറ്റൊന്നും നഷ്ടമായിട്ടില്ല.