രോഹിത് കളിക്കില്ല
ഡിസംബർ 11നാണ് രോഹിതിൻെറ ശാരീരികക്ഷമതാ പരിശോധന പൂർത്തിയാവേണ്ടിയിരുന്നത്. ഇതിന് ശേഷം ഓസ്ട്രേലിയയിൽ ക്വാറൻറീനിൽ കഴിഞ്ഞ് താരത്തിന് ടെസ്റ്റിൽ പങ്കെടുക്കാൻ സാധിക്കില്ല. ഓസ്ട്രേലിയയിൽ പരിശീലനത്തിലും പങ്കെടുക്കേണ്ടതുണ്ട്. രോഹിത് ഓസ്ട്രേലിയയിൽ കളിക്കാൻ സാധ്യതയില്ലെന്ന് നേരത്തെ വ്യക്തമായിരുന്നുവെന്ന് ബിസിസിഐ വൃത്തങ്ങൾ ടൈംസ് ഓഫ് ഇന്ത്യയോട് വ്യക്തമാക്കി.
വെള്ളിയാഴ്ച ആദ്യ ഏകദിനം
ഇശാന്തിൻെറ കാര്യം നേരത്തെ തീരുമാനിച്ചു
ടെസ്റ്റ് പരമ്പരയിൽ ഇശാന്ത് ശർമ ഉണ്ടാവില്ലെന്നും നേരത്തെ ഉറപ്പാക്കിയതാണ്. നാഷണൽ ക്രിക്കറ്റ് അക്കാദമി ഡയറക്ടർ രാഹുൽ ദ്രാവിഡ് ബിസിസിഐക്ക് ഇശാന്തിൻെറ കായികക്ഷമതയെക്കുറിച്ച് വ്യക്തമാക്കി റിപ്പോർട്ട് സമർപ്പിച്ചിട്ടുണ്ട്. നാലാഴ്ചയെങ്കിലും ഇശാന്തിന് വിശ്രമം വേണമെന്ന് അതിൽ വ്യക്തമാക്കിയിരുന്നു. ഇശാന്തും ഓസ്ട്രേലിയയിലേക്ക് പറക്കില്ലെന്ന് ഇപ്പോൾ ഉറപ്പായി.
ഇന്ത്യൻ ടീം പരിശീലനത്തിൽ
കോലിക്ക് പകരം ശ്രേയസ്
ആദ്യ ടെസ്റ്റ് കഴിഞ്ഞാൽ ഇന്ത്യൻ നായകൻ വിരാട് കോലി നാട്ടിലേക്ക് മടങ്ങും. ഇത് മുന്നിൽ കണ്ടാവണം കെഎൽ രാഹുലിനെ ഇന്ത്യ നേരത്തെ ടീമിൽ ഉൾപ്പെടുത്തിയിട്ടുണ്ട്. കോലി നാട്ടിലേക്ക് മടങ്ങുമ്പോൾ ലിമിറ്റഡ് ഓവർ ടീമിനൊപ്പമുള്ള ശ്രേയസ് അയ്യർ ടെസ്റ്റ് ടീമിനൊപ്പം ചേരും. കളിക്കാൻ അവസരം കിട്ടിയാൽ ശ്രേയസിന് കഴിവ് തെളിയിക്കാം. ടെസ്റ്റ് ടീമിലും സ്ഥാനം ഉറപ്പിക്കാനുള്ള അവസരമാണ് യുവതാരത്തിന് ലഭിക്കാൻ പോവുന്നത്.