ഹൈദരാബാദ്: ഓസ്ട്രേലിയക്കെതിരായ ആദ്യ ഏകദിന മത്സരത്തിന് മുമ്പായി നടക്കുന്ന പരിശീലനത്തിനിടെ എംഎസ് ധോണിക്ക് പരിക്കെന്ന് സൂചന. ഇതുമായി ബന്ധപ്പെട്ട് ഔദ്യോഗിക അറിയിപ്പുകളൊന്നും പുറത്ത് വന്നിട്ടില്ല. എന്നാൽ പരിശീലനത്തിനിടെ ധോണിക്ക് കൈക്ക് പരിക്കേറ്റുവെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു. പരിക്ക് സരമല്ലാത്തതാണെന്നാണ് സൂചന. ആദ്യ ഏകദിനത്തിൽ ധോണിക്ക് വിശ്രമം അനുവദിക്കുകയാണെങ്കിൽ ടീമിലുള്ള ഋഷഭ് പന്തായിരിക്കും വിക്കറ്റ് കീപ്പറാവുക. ബാറ്റിങ് പരിശീലനം നടത്തവേയാണ് ധോണിക്ക് പരിക്കേറ്റത്. പരിക്ക് കാരണം വേദനയെ തുടർന്ന് ധോണി പിന്നീട് പരിശീലനത്തിൽ നിന്ന് പിൻമാറുകയായിരുന്നു.
ടി20യിലെ പരാജയത്തോടെ ഏകദിന പരമ്പരയിൽ ഇന്ത്യൻ ടീമിന് വിജയിച്ചേ പറ്റൂ. ഏറ്റവും മികച്ച ടീമിനെ തന്നെയായിരിക്കും ഇന്ത്യ ഇറക്കുക. ബോളിങ് നിരയിൽ ബുംറക്കൊപ്പം മുഹമ്മദ് ഷമി എത്തിയേക്കും. സ്പിന്നർ ചാഹലിനൊപ്പം കുൽദീപ് യാദവിനെയും കളിപ്പിച്ചേക്കും.
ടി20യിലെ പരാജയത്തോടെ ഏകദിന പരമ്പരയിൽ ഇന്ത്യൻ ടീമിന് വിജയിച്ചേ പറ്റൂ. ഏറ്റവും മികച്ച ടീമിനെ തന്നെയായിരിക്കും ഇന്ത്യ ഇറക്കുക. ബോളിങ് നിരയിൽ ബുംറക്കൊപ്പം മുഹമ്മദ് ഷമി എത്തിയേക്കും. സ്പിന്നർ ചാഹലിനൊപ്പം കുൽദീപ് യാദവിനെയും കളിപ്പിച്ചേക്കും.