നാഗ്പൂർ: ലോകകപ്പിന് മുമ്പായുള്ള അവസാന അന്താരാഷ്ട്ര മത്സരങ്ങളിൽ പരമാവധി ടീമിനെ സജ്ജമാക്കുകയാണ് ഇന്ത്യൻ ടീം. ആദ്യ മത്സരത്തിലെ വിജയത്തോടെ ഇന്ത്യൻ ടീമിൻെറ ആത്മവിശ്വാസം ഉയർന്നിട്ടുണ്ട്. എന്നാൽ ഓരോ താരത്തിൽ നിന്നും പഴുതടച്ച പ്രകടനമാണ് ഇന്ത്യൻ ടീം പ്രതീക്ഷിക്കുന്നത്. ആദ്യ മത്സരത്തിൽ ബാറ്റിങിൽ ശിഖർ ധവാൻ, അമ്പാട്ടി റായിഡു എന്നിവർ പരാജയമായിരുന്നു. ധവാൻെറ ബാറ്റിങ് ഫോം ഇന്ത്യക്ക് വലിയ തലവേദനയാവുന്നുണ്ട്. ബോളിങിൽ കാര്യമായി ഒന്നും ചെയ്യാൻ സാധിക്കാതിരുന്ന രവീന്ദ്ര ജഡേജ, വിജയ് ശങ്കറും എന്നിവരും രണ്ടാം ഏകദിനത്തിൽ ടീമിലുണ്ടാവുമോ എന്നുറപ്പില്ല.
ഋഷഭ് പന്ത്, കെഎൽ രാഹുൽ എന്നിവർ ടീമിൽ ഇടം കണ്ടെത്താനുള്ള സാധ്യതകൾ കൂടുതലാണ്. രോഹിത് ശർമ്മ, കോഹ്ലി, ധോണി, കേദാർ ജാദവ് എന്നിവരുടെ ബാറ്റിങ് മികവിലാണ് ഇന്ത്യയുടെ പ്രതീക്ഷ. ബോളിങ് നിരയിൽ ബുംറ, ഷമി, കുൽദീപ് എന്നിവരും മികച്ച പ്രകടനം കാഴ്ച വെക്കുന്നുണ്ട്.
ഋഷഭ് പന്ത്, കെഎൽ രാഹുൽ എന്നിവർ ടീമിൽ ഇടം കണ്ടെത്താനുള്ള സാധ്യതകൾ കൂടുതലാണ്. രോഹിത് ശർമ്മ, കോഹ്ലി, ധോണി, കേദാർ ജാദവ് എന്നിവരുടെ ബാറ്റിങ് മികവിലാണ് ഇന്ത്യയുടെ പ്രതീക്ഷ. ബോളിങ് നിരയിൽ ബുംറ, ഷമി, കുൽദീപ് എന്നിവരും മികച്ച പ്രകടനം കാഴ്ച വെക്കുന്നുണ്ട്.